सिम्रिक युवा परिवारपाखें हना

येँ – थनया येँ मनपा १७ वडा छत्रपातिइ च्वंगु सिम्रिक युवा परिवारपाखें एसइइ उत्तीर्ण १७ वडाया विद्यार्थी नापं उच्च शिक्षाय् सफलता प्राप्त यानादीपिंत हन ।संस्थाया नायः अनुपकृष्ण मानन्धरया सभापतित्वय् जूगु ज्याझ्वलय् मूपाहां येँ महानगरपालिकाया उपप्रमुख हरिप्रभा खड्गी श्रेष्ठं एसइइ उत्तीर्ण जूपिं १७ वडाया विद्यार्थी नापं विद्यावारिधी यानादीपिं दिनेश मानन्धर व रजनी प्रधानयात नं हनेज्या यानादीगु खः ।

ज्याझ्वलय् सुर्ज सेवा ट्रष्टया संरक्षक श्याम मानन्धरं एसइइ परीक्षाय् अप्वः ल्याः हयाः न्हाप, लिउ व लियांलिउ जुयादीपिंत नगद सिरपाः लःल्हानादीगु खः । ज्याझ्वलय् १७ वडाअध्यक्ष नवीन मानन्धर, संस्थापक दुजः कृष्णदास, सल्लाहकर पुष्प मानन्धर, कुमार मानन्धरपिंसं थःथःगु नुगःखँ तयादीगु खः । उगु इलय् क्लबया अध्यक्षपाखें मूपाहांयात मतिनाया चिं नं लःल्हाःगु खः ।

सम्बन्धित बुखँ

LEAVE YOUR COMMENTS