अबुनाप स्क्रीन सेयर अस्वीकार

बलिउड अभिनेता सैफ अली खानया म्ह्याय् सारा अली खानं अभिनय याःगु न्हापांगु फिल्म खः ‘केदारनाथ’ । अथे हे साराया अभिनय दुगु निगूगु फिल्म खः सिम्बा । थ्व निगुलिं फिल्म प्रदर्शनय् वःगु मदुनि । अथे खःसां सारां थःत आवंनिसें हे भविष्य स्टार कलाकारया रुपय् कायेगु धाःसा याना हयेधुंकूगु दु ।

निगूगु फिल्म लिपा सारां थः हे अबुनाप फिल्म म्हितीगु चर्चाय् वयाच्वंगु दु । तर सारां धाःसा थः अबुनाप फिल्म म्हितेत अस्वीकार याःगु दु । साराया स्वंगूगु फिल्मय् सैफ व सारायात अबु म्ह्याय्या हे भूमिकाया निंतिं अफर याःगु खःसां सारां धाःसा थः अबुनाप स्क्रीन सेयर यायेत अस्वीकार याःगु दु ।

सैफ व सारां स्क्रीन सेयर याइगु खँ गुलि चर्चाय् वःगु खः उलि हे वं याःगु अस्वीकारं मेगु चर्चा जुयाच्वंगु दु । सारा अलीखान सैफया न्हापांम्ह कलाः अमृता सिंहपाखे दुम्ह म्ह्याय् खः । अमृतालिसें पार कायेधुंकाः सैफं करिना कपुरनाप इहिपा याःगु खः ।सारां छाय् थः अबुनाप स्क्रीन सेयर यायेत अस्वीकार यात धइगु बारे स्पष्ट मजूसां निगूगु इहिपा याःम्ह अबुनाप फिल्म म्हितेत अस्वीकार याःगु धइगु खँ धाःसा चर्चाय् वयाच्वंगु दु ।

सम्बन्धित बुखँ

LEAVE YOUR COMMENTS