विराटनगर मनपाय् बम मुल

विराटनगर – विराटनगर महानगरपालिकाया ज्याकुथी म्हिगः न्हिनय् २ बजे अज्ञात मनुखं बम मुइकूगु दु । जिल्ला प्रहरी कार्यालयया कथं उगु बमं महानगरपालिकाया झ्याःया न्हाय्कं तज्याःगु दु ।

उगु बम विष्फोटन सुनां व छु प्रयोजन व छु सामग्री छ्यलाः याःगु खः धइगु विषयय् अनुसन्धान जुयाच्वंगु खँ प्रहरीं धाःगु दु । प्रहरीं आवश्यक अनुसन्धान यानाः घटनाबारे विस्तृत विवरण बीगु खँ नं धाःगु दु । घटना लिपा प्रहरीं घेरा लगे यानाः मनपाय् सुयातं दुमछ्वसें तःगु खः ।