सतक विस्तार पीडितया संघर्षया ज्याझ्वः

येँ-सर्वोच्च अदालतं सडक विस्तार पीडित जनताया पक्षय् बिउगु फैसलाया विरुद्ध सरकार वनेगु तयारी सुरु जुइवं सडत विस्तार पीडित संघर्ष समितिं हानं सतक आन्दोलन याइगु जूगु दु ।

संघर्ष समितिं म्हिगः छगू पत्रकार सम्मेलन यासें आः वइगु साउन १४ निसें २८ गते तक सहरी विकास मन्त्रालय, ३ नम्बर प्रदेश सरकार, उपत्यका, विकास प्राधिकरण, स्वनिगःया १८ गुलिं नगरपालिका, पुरातत्व विभाग, गुथि संस्थानय् सर्वोच्च अदालतया फैसला कार्यान्वयनया लागिं फैसलाया पूर्ण पाठ सहित ज्ञापन पत्र बीगु ज्याझ्वः दयेकूगु दु ।

अथे हे सतक विस्तारया नामय् आपालं धार्मिक सम्पदा समेत नष्ट यायेत्यंगुलिं उकिया जानकारी यायेत अखिल नेपाल भिक्षु महासंघ व विश्व विश्व हिन्दू महासंघयात नं सर्वोच्चया फैसला कार्यान्वयन यायेत दबाब बीत इनाप याइगु जूगु दु । २९ गते वटुक भैरवय् पुजा यानाः खबरदारी सभा नं यायेत्यंगु दु ।