येँ – नेपाल पत्रकार महासंघं विद्युतीय पुस्तकाल (ई लाइब्रेरी) संचालन याइगु जूगु दु । महासंघं गैरआवासीय नेपाली संघ (एनआरएन)या आर्थिक व नेपाल लाइब्रेरी फाउण्डेसनया प्राविधिक ग्वाहालिइ अत्याधुकि सुविधासहितया पुस्तकालय संचालन यायेत्यंगु खः । विद्युतीय पुस्तकालयया निंतिं एनआरएनं न्हापांगु १५ गू व निगूगु चरणय् १५ गू यानाः स्वीगू लाख तका दां ग्वाहालि याइगु जूगु दु । पुस्तकालय संचालनया निंतिं […]

येँ – येँ महानगरपालिकां चालु आर्थिक दँय् थीथी झिगू थासय् झिद्वः वृक्षारोपण याइगु जूगु दु । येँ मनपां सरकारी संघसंस्था व निकायलिसे जानाः वृक्षारोपण यायेत्यंगु खः । येँ मनपां थ्व सम्बन्धी जानकारी बीगु ल्याखं ग्वसाः ग्वःगु पत्रकार सम्मेलनय् येँ मनपा प्रमुख विद्यासुन्दर शाक्यं येँ महानगर क्षेत्रयात हरियाली दयेकेगु लक्ष्य दुगु धासें थ्व स्वयां न्ह्यः २७०० वृक्षारोपण यायेगु […]

ख्वप –  मोहनिया इलय् नःलास्वां पीगु न्हि कौलाथ्व पारुनिसें थनया थीथी शक्तिपीठय् न्ह्याइगु मेला शुरु जूगु दु । दँय्दसं कौलाथ्व पारुनिसें बहनिसिया इलय् थीथी गुंगू शक्तिपीठय् गुचा तक मेला न्ह्याइ । मोहनिज्वःछि गुचा तक चान्हसिया इलय् न्ह्याइगु मेलाया झ्वलय् दकलय् न्हापां ब्रम्हायणीं न्ह्याइगु थ्व मेला निन्हनिसें गुन्हुया चातक छसिकथं माहेश्वरी, कुमारि, भद्रकाली, महाकाली, महालक्ष्मी, इन्द्रायणी, त्रिपुरासुन्दरी व […]

थिमि – ख्वप जिल्लाया हे दकलय् ज्याथगु भाषिक संस्था न्ह्यज्याः खलः, थिमिं थःगु न्यय्न्हय्क्वःगु वार्षिकोत्सव न्यायेकल । मध्यपुर थिमिया बालकुमारिइ साहित्यिक व थीथी सांस्कृतिक ज्याझ्वः यासें बुन्हि ज्याझ्वः हंगु खः । २०१८ सालय् तत्कालीन निरंकुश पंचायती शासन व्यवस्थाया इलय् गठन जूगु संस्थां भाषा, साहित्य, शिक्षा व सामाजिक ख्यलय् जनचेतना थनेगु ल्याखं थीथी ज्याझ्वः न्ह्याकूगु खः । ज्याझ्वलय् प्रदेश […]

सकल नेपाःमितय्गु तःजिगु नखः मोहनी व दशै न्ह्यानाच्वंगु दु । नखःत मध्ये तःन्हुतक हनीगु थुगु नखःयात नेपाःमितय्सं राष्ट्रिय पर्वकथं हनेगु याः । मोहनि नखः व दशै छगू हे खः, मोहनि नखःया पर्यायवची दशै खः धयागु भ्रम राज्य सरकारपाखें तःदँ न्ह्यवःनिसें ब्वलंका वयाच्वंगु दु । स्कुलया पाठ्यक्रमय् तकं थज्याःगु भ्रमपूर्ण खँ न्ह्यथनातःगु दु । वास्तवय् मोहनी नखः व दशै हनिगु […]

येँ – येँ महानगरपालिकापाखें अमूर्त सम्पदा कथं ल्यनाच्वंगु स्वनिगःया बाजं गुरुपिंत नगद बियाः सम्मान याइगु जूगु दु । येँ मनपाया मेयर विद्यासुन्दर शाक्यं म्हिगः पत्रकारतलिसे खँ ल्हायेगु झ्वलय् येँ मनपां न्ह्याका वयाच्वंगु सम्पदा संरक्षण अभियानया झ्वलय् फुक्क समुदायया बाजंगुरुपिंत नगद बियाः सम्मान यायेगु खँ कनादीगु खः । मरुसतः दयेकेत नं येँ मनपां ५० लाख तका जक बिल […]