संस्कृति

येँ- येँयाःया झ्वलय् जक पिहां वइगु थनया किलाघः त्वाःया दीप्याखंया सरोकारवालातय्सं नवनिर्वाचित जनप्रतिनिधि समक्ष थःपिनिगु समस्या न्ह्यब्वःगु दु । देवी नाच प्रवद्र्धन समितिपाखें परापूर्वकालंनिसें न्ह्याना वयाच्वंगु प्याखंयात आः वयाः व्यवस्थित रुपं संचालन यायेत थाकुया वःगु धासें थःपिनिगु समस्या न्ह्यब्वःगु खः । प्रतिनिधिसभा व प्रदेशसभाय् निर्वाचित जनप्रतिनिधियात भिंतुना देछायेगु झ्वलय् समितिं प्याखं संचालन यायेत वयाच्वंगु थीथी समस्यायात कयाः […]

फाइल किपा- नृपेन्द्रलाल श्रेष्ठ ख्वप– थनया नांजाःगु नवदुर्गा द्यः प्याखं म्हिगःनिसें न्ह्यात । ख्वपया सूर्यमढी त्वालं थ्व प्याखं न्ह्याःगु खः । प्याखं सुरु याये न्ह्यः म्हिगः बहनी अन द्यः हयाः पूजा फयेगु ज्या जूगु खः । नवदुर्गाया न्या लाकेगु ज्या यायेत माःम्ह मूबाहां कथं तयातःम्ह फाचा धाःसा सोमवाः चान्हय् ब्रम्हायणी रोडय् लाःगु नवदुर्गाया जग्गा जःखः […]

ख्वप – दँय्दसं घ्यःचाकु संल्हू कुन्हु ख्वपय् तःजिक न्यायेकीगु सम्यक महादान म्हिगः थनया जयकृति महाविहार थथुबहीया भुइख्यलय् न्यायेकल । थ्व पर्वय् थनया प्रशन्नशील महाविहार, चतुब्रम्ह महाविहार, मंगल धर्मदीप महाविहार, जयकृति महाविहार व बौद्ध समकृत विहार समेत यानाः न्यागू थाय्यापिं न्याम्ह दीपंकर बुद्धपिं भुइख्यलय् मुंकाः सम्यक भोजन व दानप्रदान ज्या जुइगु खः । थ्व सम्यक सञ्चालन यायेगु लागिं […]

येँ (नेपालभाषा टाइम्स)– थौं घ्यःचाकु संल्हु देय्न्यंकं थीथी ज्याझ्वः यासें तःजिक हनाच्वंगु दु । घ्यःचाकु संल्हुकुन्हु नेवाःतय् मांपाखें छ्यनय् चिकं तयाः घ्यःचाकु नयाः निभाः पानाः हनी । थुकुन्हु नेवाःतय्स हाम्वःग्वारा, तिलौरा नं नयेगु चलन दु । थुकुन्हु नेवाःतय् पितृयात नकेगु धकाः घ्यःचाकु, माय्, पलः, तरु, चि, हलु, आलु, हाम्वःग्वारा, तिलौरा आदि तयाः  पुरोहितयात सिदा दान […]

येँ(नेपालभाषा टाइम्स)/ किलाघः सांस्कृतिक पुचःया ग्वसालय् न्हापांगु येँ महानगरव्यापी मेयर्स ट्रफी चिग्वः धिमे कासाय् कंकेश्वरी दाफा खलः समाज, यतखा न्हाप लाःगु दु । येँ महानगर लागा दुनेया झिंन्हय्गू त्वाः, खलः, पुचलं ब्वति काःगु कासाय् ओमबहाः त्वाः खलः, ओमबहाः लिउ व धिमे गुथि खलः, परिवार बिज्यापूननि लियांलिउ लाःगु दु । कासाय् विजयी जुया जुयादीपिंत येँ महानगरपालिकाया प्रमुख विद्यासुन्दर […]

यल नगर निवेशया ऐतिहासिक अध्ययनया झ्वलय् उत्तरी ध्वाखात हे अप्वः धयाथें नांजायाच्वंगु खनेदु । उकिसनं त्वाःया नामं हे प्रचलित जुयाच्वंगु ध्वाखा धाःसा च्यासर ध्वाखा खनेदु । उकिं आरक्व ध्वाखाया लगतै लिपा थ्व हे च्यासर ध्वाखायात थन न्ह्यथनेमाःगु अवस्था जुल । नेवाः नृतत्व पाखें स्वल धाःसा थ्व त्वाः मुक्कं कुम्हाःतय् त्वाः धाःसां जिउ । थन स्थापित […]