संस्कृति

येँ- येँया मरुसतः न्ह्यःने च्वंगु भुतिसतःया संरक्षण यायेगु ज्या शुरु याःगु दु । पुरातत्व विभागं लछि न्ह्यः भुतिसतः छचाःलि नँया सिखलं बेरे यानाः संरक्षण याःगु खः । ऐतिहासिक महत्व दुगु थ्व थाय् थ्वयां न्ह्यः मोटरसाइकल दिकेगु, तरकारि मिइगु याना वयाच्वंगु खः । येँयाः झ्वलय् दागीं वनाः लिहां वयेबलय् ल्यं दुगु दक्वं थन हे भूतिसतलय् वायेगु याइ । अथेहे पचलीया […]

येँ– निवर्तमान कुमारी माजु मतिना शाक्यया थौं बाह्राः पिकाःगु दु । वय्कःयात नेवाः परम्परा कथं झिंनिन्हु तक हे बा¥हाः तयेगु ज्या जूगु खः । झिंनिन्हु न्ह्यः वय्कःयात थःगु हे छेँय् बा¥हाः तःगु खःसा थौं विधिवत् कथं पिकाःगुगु खः । द्यःमय्जु मतिना शाक्य वंगु मोहनिबलय् कुमारीया आसनं कुहां झाःगु खः । द्यः आसनं कुहां झायेधुंकाः नेवाः संस्कार कथं इहि यायेगु, […]

नेवाःतय्सं हनावयाच्वंगु थीथी नखःचखः व जात्रापर्वय् विवाद ब्वलनेगु यानाच्वंगु दु । थुगुसी नं बुंगद्यःया जात्रायात कयाः विवाद ब्वलंगु दु । व खः बुंगद्यःया खः सालेगु तिथि । खतुं आः उगु विवाद ज्यने नं धुंकूगु दु । तर विवाद गुकथं ब्वलन व बुंगद्यःया जात्रा गुबलय् जुइ धइगु बारे पञ्चांग निर्णायक समितिया दुजः लिसें चर्चित ज्योतिष कीर्तिमदन जोशीयाके न्यनेकने […]

यल – बुंगद्यः सालेगु निंतिं थुगुसी दुतिया तिथि तुत् जूगुलिं द्यः गबलय् सालेगु धइगु विवाद पिहां वःगु दु । अथे खःसां थ्व विवाद ज्यनेधुंकूगु खँ पञ्चांग निर्णायक समितिया दुजः लिसेंं ज्योतिष कीर्तिमदन जोशीं स्पष्ट यानादीगु दु । वय्कलं म्हिगः ‘नेपालभाषा टाइम्स’ लिसे खँ ल्हासें नेवाःतय् नखःचखः वा जात्रापर्व फुक्कं चन्द्रमास कथं न्यायेका वयाच्वंगुलिं आः जुइगु जात्रा नं […]

यल – ऐतिहासिक नापं सांस्कृतिक रुपं महत्वपूर्णगु नेवाः वस्ती बुंगय् शनिवाः कुमारी हिलेगु ज्या जूगु दु । थनिं बाःछि न्ह्यः वर्तमान कुमारी किन्जल वज्राचार्यया वा हाःगुलिं न्हूम्ह कुमारी कथं निदँ फुनाः स्वदँय् क्यनाच्वंम्ह मय्जु कृपा वज्राचार्ययात न्हूम्ह कुमारी स्थापना यायेगु ज्या जूगु खः । बुंग कुमारी नाप स्वापू दुपिं थालिपिं, गुथिया खलःपिं नापं च्वनाः पुजाआजा यानाः न्हूम्ह […]

येँ सक्वय् शालीनदीइ माधवनारायण धलं दनाच्वंपिं व्रतालुतय् परदेश यात्रा शुरु जूगु दु । वंगु पोहेलागा त्रयोदशि (पुस ३०) कुन्हु धलं दनाच्वंगु थाय् शालीनदीं वज्रयोगिनीया लुखातक म्हधू दानाः परदेश यात्रा शुरु याःगु खः । परदेश यात्राया झ्वलय् पोहेलागा चतुर्दशि कुन्हु धलं दंपिं सकलें सक्वं वज्रयोगिनी व पशुपति तक न्यासि हे वनाः दर्शन याःगु खः । वंगु मगलवाः पशुपतिं फम्पिइ […]