स्वनिगः

यल- हिरण्यवर्ण महाविहारया चक्रेश्वर आजु रत्नराज वज्राचार्य ९५ दँया उमेरय् वंगु शुक्रवाः मंत । ग्वारामा गुरुजुया नामं नं म्हसिउम्ह वसपोल वंगु छुं ई न्ह्यवंनिसें म्हं मफयाः पाटन अस्पतालय् वासः याकाच्वनादीगु खः । यलया नांजाःम्ह व तान्त्रिक विद्याय् तकं निपुणम्ह वसपोल नांजाःम्ह बौद्ध विद्वान विद्याधर महायोगी आचार्य श्रीधर राणा रिम्पोछेया नं गुरु खः । मदुम्ह वसपोलया जटाधारी लोकेश्वरया महात्म्य, […]

येँ – येँ महानगरपालिकां १३ अर्ब २ करोड १२ लाख तकाया बजेट न्ह्यब्वःगु दु । येँमनपाया उपप्रमुख हरिप्रभा खड्गीं उगु बजेट प्रस्तुत यानादीगु खः । वइगु आर्थिक दँया आन्तरिक आयपाखें ४ अर्ब ९० करोड, बाह्य स्रोतं ५ अर्ब १९ करोड व मेगु स्रोतं १ अर्ब ४ करोड ११ लाख तका बजेट प्रस्तुत याःगु खः । […]

किपू – किपुलिइ ततःधंगु उद्योग व कलकारखामना स्थापना मजूसां पर्यटन उद्योगया तःधंगु सम्भावना दुगु किपू नगरपालिकाया मेयर रमेश महर्जनं धयादीगु दु । वय्कलं किपुलिइ च्वंगु ऐतिहासिक सम्पदा, मूर्त व अमूर्त संस्कृतिया प्रवद्र्धन, संरक्षण नापं पर्यटकीय पूर्वाधारया निर्माणपाखें आन्तरिक व बाह्य पर्यटन प्रवद्र्धन याये फइगु आपालं सम्भावना दु धयादिल । नेवाः पत्रकार राष्ट्रिय दबूया ग्वसालय् ‘किपूया संस्कृति, सम्पदा […]

येँ – स्वयम्भू व्यवस्थापन महासमिति व जिल्ला वन कार्यालय येँ जानाः स्वयम्भुइ सिमा पिउगु दु । महासमितिया महासचिव महेन्द्र रत्न बुद्धाचार्यं शनिवाः स्वयम्भुया पूर्व दक्षिण पाखे १९५ मा सीमा पिनागु जानकारी बियादीगु दु । स्वयम्भुइ च्वनीपिं माकःतय्त नयेदइगु कथं थीथी सिसाबुसाया लिसें च्वनेछिनिकथंया सीमा पिनागु खँ नं वय्कलं धयादीगु दु । स्वयम्भुइ सिसाबुसाया सीमा मदुगुलिं […]

येँ – येँ महानगरपालिकां नियम कथं दयेकूगु तर नक्सा पास मजूगु छेँया निंतिं विशेष व्यवस्था हःगु दु । दयेकेधुंकूगु तर नक्सा पास यायेगु प्रक्रियाय् तकं मवंनिगु निजी, सार्वजनिक व सरकारी छेँयात नक्सा कथं दयेकेगु निंतिं थज्याःगु व्यवस्था हःगु खँ येँ मनपां धाःगु दु । येँ मनपाया इन्जिनीयर राम थापाया कथं येँ मनपाय् अप्वः धइथें छेँ नक्सा पास […]

येँ – कलाकार, संगीतकार, गायक मानकृष्ण वावा स्वास्थ्य उपचारया निंतिं येँ महानगरपालिकां आर्थिक ग्वाहालि याःगु दु । शुक्रवाः छगू ज्याझ्वःया दथुइ येँ महानगरपालिका वडा नं. २५ या नायः निलकाजी शाक्यं भाजु वावायात येँ मनपां पाखें बिउगु छगू लाख तका लःल्हानादीगु खः । स्येँ ल्वचं कयाच्वंम्ह वय्कःयात उपचार खर्च यक्व माःगुलिं येँमनपापाखें ग्वाहालि याःगु खः । […]