स्वनिगः

येँ – नेवाः देय् दबूया १५ वडा कचा गठन जूगु दु । स्थानीय सामुदायिक भवनय् च्वंगु भेलां बुधवाः १५ वडा कचा गठन याःगु खः । नेवाः आन्दोलन व अधिकारया नितिं नेवाःतय्त छधि छप्पं यायेगु ताःतुना संगठन विस्तार यायेगु झ्वलय् जूगु भेलां झिंन्याम्ह दुजः दुगु न्हूगु ज्यासना पुचः ल्यःगु खः । नेवाः देय् दबूया केन्द्रीय दुजः […]

येँ –  क्षत्रपाटीया स्थानीय जनतां लँ बन्द यानाः आन्दोलन यायेवं स्थानीय जनता व ठेकेदार कम्पनी दथुइ उगु लागाया लँ पीच यायेत सहमति जूगु दु । म्हिगः स्थानीय वासिन्दां क्षत्रपाटी दुवातंनिसे धल्को तकया सतक पीच यायेत दबाब बीगु लागिं बन्द यायेवं ठेकेदार कम्पनी सैलुङ निर्माण कम्पनीं म्हिगःनिसें ज्या न्ह्याकाः झिंन्यान्हुया दुने क्वचायेकेगु सहमति याःगु खः । स्थानीय जनतां […]

येँ – सिख्वंमू बहाःया न्हूम्ह चक्रेश्वर ध्यानरत्न वज्राचार्य जुयाबिज्याःगु दु । थनया कुमारि छेँ लिक्क च्वंगु सिख्वंमू बहालय् बौद्ध परम्पराकथं ‘चक्रेश्वराभिषेक’ यासें वसपोलयात न्हूगु चक्रेश्वर ल्यःगु खः । विहारया करिब ७०० कुलपुत्रपिं मध्ये दकलय् ज्याथम्ह वय्कः ८२ दँ दुम्ह खः । येँ देय्या झिंचयागू बहाः मध्ये छगू सिख्वंमू बहालय् वज्राचार्य व शाक्य निगुलि समुदाय दुथ्यानाच्वंगु दु । थ्व बहाः […]

किपू – बु.सं. २५६३ क्वःगु स्वांयाःपुन्हिया लसताय् भजन संग्रह ‘बुद्ध लुइके’ नांया म्येँचाया चिखिफ्यनेज्या जूगु दु । स्वांयाःपुन्हिया हे न्हिकुन्हु म्येँ हालामि मय्जु गंगा महर्जनया याकः सलय् दुथ्यानाच्वंगु म्येँचाया जनकवि दुर्गालाल श्रेष्ठं चिखिफ्यनेज्या यानादीगु खः । म्येँ हालामि महर्जनपाखें भजन न्ह्यब्वयादिसें न्ह्याःगु ज्याझ्वलय् लोक गायक रत्न बेहोसी, म्येँच्वमि राजभाई जकःमि, वि.नन्द वैद्य, अनक मिडियाया संरक्षक श्रीराम महर्जन […]

यल – सः छगू फरक अभिव्यक्ति नांया साहित्यिक संस्थापाखें लय्पतिकं न्ह्याका वयाच्वंगु चिबाखं वाचन ज्याझ्वः वंगु शनिवाः जुल । २५६३ क्वःगु स्वांयाःपुन्हिया न्हिकुन्हु थनया दबू नेवाः नसा छेँय् जूगु ज्याझ्वलय् नियमित रुपं स्वम्ह बाखं च्वमिपिंसं थःथःगु बाखं पाठ यानादीगु खः । हरेक महिनाय् न्हापांगु शनिवाः नेपालभाषाया न्हूपिं व पुलांपिं बाखं च्वमिपिंत ब्वनाः न्ह्याका वयाच्वंगु ज्याझ्वः अन्तर्गत वंगु […]

किपू –  अलकत्राय् प्लाष्टिक ल्वाकछ्यानाः किपुली दयेकूगु पीच तज्याना वयेवं म्हिगः उकिया प्राविधिक जाँच शुरु याःगु दु । प्लाष्टिक ल्वाकछ्यानाः दयेकूगु पीच पोखराय् तसकं बल्लाःगुलिं किपुली नं प्रयोगया रुपय् नयाँ बजाः वनेगु ध्वाखाया लँपुइ पीच याःगु खः । थ्व पीच सफल जूसा लँ बल्लाइगु व किपूया प्लास्टिकया समस्या नं छुं भचा समाधान जुइगु आशा नगरपालिकां काःगु दु ।