स्वनिगः

येँ (नेपालभाषा टाइम्स)÷येँया २७ वडाया असं त्वालय् नांजाःम्ह तान्त्रिक गुरु सुरतबज्रया नामं पलिस्था जुयाच्वंगु बिहार सुरतश्री महाबिहारय् वंगु दशमि कुन्हु दिशी पुजा यात । सुरतश्री महाबिहार संरक्षण समितिया नायः धर्मेन्द्रहर्ष वज्राचार्यया सभापतित्वय् जूगु उगु ज्याझ्वलय् समितिया छ्याञ्जे राजेन्द्रहर्ष वज्राचार्यं लसकुस यानादीगु खः । ज्याझ्वलय् वंगु दँय् थीथी शैक्षिक परीक्षाय् पास जूपिं ब्वँमिपिंत समितिं हनापौं नं लःल्हागु खः ।

यल (नेपालभाषा टाइम्स)- यलया जाह्वलाख्यलय् च्वंगु ललितमण्डप पुनर्निर्माण याइगु जूगु दु । यल महानगरपालिका ४ वडा जाह्वलाख्यलय् लाःगु मन्दः यल महानगरपालिकां पुननिर्माण यायेत्यंगु खः । यल महानगरं ललितमण्डपया लिक्क च्वंगु फल्चा व जावलाहिति न्हापा हे पुननिर्माण यायेधुंकूगु दु । ललितमण्डप ऐतिहासिक शैलीं पुननिर्माण यायेगु निंतिं विस्तृत परियोजना प्रतिवेदन (डिपिआर) तयार जुइधुंकूगु खँ यल महानगरपालिका वडा […]

किपू (नेपालभाषा टाइम्स)- झिक्वःगु नेपालभाषा साहित्य तःमुँज्या थुगुसी यःमरि पुन्हिया लसताय् नगामय् जुल । ज्याझ्वलय् नेमकिपाया केन्द्रीय सचिव व सांसद प्रेम सुवालं लोककवि राजभाई जकःमियात सम्मान पत्र लःल्हाना सम्मान यानादिल । अथेहे धिमे गुरु लजरमान महर्जन, दाफा गुरु गौतम महर्जन, काः बाजं गुरु इन्द्र महर्जन, उमेश महर्जन व थुगुसीया तःमुँज्या उलेज्या यानादीम्ह जेष्ठ नागरिक बौद्ध उपासक व […]

येँ (नेपालभाषा टाइम्स)- येँ मनपा १४ वडाया कुलेश्वर लागाय् च्वंपिं मानन्धरतय् संस्था कुलेश्वर मानन्धर परिवारया दँमुँज्या म्हिगः जुल । परिवारया उपाध्यक्ष पञ्चकुमारी मानन्धरया सभापतित्वय् जूगु उगु ज्याझ्वलय् स्थानीय कुलेश्वर क्लिनिकया ग्वाहालिं सकल दुजःपिनि निःशुल्क हि परीक्षण यायेगु ज्या जूगु खः । ज्याझ्वलय् शुभेच्छा अस्पतालया प्रमुख लिसें हाडजोर्नी ल्वय्या विशेषज्ञ डा. रुपेश वैद्यं क्वँय् सम्बन्धी ल्वय् व थ्वपाखें […]

येँ (नेपालभाषा टाइम्स)- येँया चाःबहिलिं छम्ह मनूयात अपहरण यानाः १३ लाख ५० हजार तका दां असुल याःगु द्वपनय् प्यम्हेसित ज्वंगु दु । थ्व घटनाय् प्रहरीं जोरपाटीया माकलबारीइ च्वनीपिं तेजमान तामाङ, सौगात तामाङ, कर्मा छेवाङ थिङ व सम्राट धाइम्ह विरे तामाङयात ज्वंगु खः । ज्वंपिंसं हिस्सी थाया तामाङयात वंगु मंसिर १० गते चाबहिलिं अपहरण यानाः जंगलया लँपु जुयाः […]

किपू (नेपालभाषा टाइम्स)- ईलोहं प्रकाशनया ग्वसालय् जनगायक रामकृष्ण दुवालयात हंगु दु । थुकिया लिसें वय्कःया कृति ‘जिगु देय् जित यः’ म्येया म्यूजिक भिडियो नं सार्वजनिक याःगु दु । ईलोहं प्रकाशनया प्रबन्ध निर्देशक नरेशवीर शाक्यया सभापतित्वय् जूगु ज्याझ्वलय् बागमति प्रदेशया सांसद शैलेन्द्रमान बज्राचार्य, किपू नगरपालिकाया पुलांम्ह मेयर रमेश महर्जन, किपू नगरपालिकाया वडा ८ या अध्यक्ष सानुमैंया महर्जन पाहांकथं […]