स्वनिगः

यल- न्ह्यःने वयाच्वंगु स्थानीय चुनावय् उम्मेदवार जुइगु लागिं यल महानगरपालिकाय् नं चहलपहल शुरु जूगु दु । थ्व झ्वलय् थीथी पार्टी दुने सु उम्मेदवार जुइगु धकाः मनू मालेगु ज्या तीव्र रुपं न्ह्याना वःगु दु । नेपाली कांग्रेस दुने वर्तमान मेयर चिरिबाबु महर्जनयात हे हानं टिकट बीगु चर्चा दुसां मेपिं नेता कार्यकर्तां नं दावी याना हःगु दु । थुकी दकलय् […]

यल –  कलाकार लिसें साहित्यकार सुरज व्यंजनकारया मां बिष्णु व्यंजनकार शुक्रवाः मंत । ७० दँ दुम्ह वय्कः तःबहाःया छगू क्लिनिकय् थः हे थःगु स्वास्थ्य रिपोर्ट कांवंगु इलय् डाक्टरलिसे खँल्हाना च्वँच्वं हे आकाझाकां हृदयाघात जुयाः मदुगु खँ छेँजःपिंसं धाःगु दु । मदुम्ह व्यंजनकारया जहान लिसें म्ह्याय् निम्ह व काय निम्ह दी ।

थिमि- शिक्षक, प्रशिक्षकलिसें साहित्यकार तुल्सीहरी प्रजापतिं च्वयादीगु स्वंगू कृति मंकाःकथं पितब्वज्या जूगु दु । स्रष्टा प्रजापतिं च्वयादीगु नेपालभाषाया ‘स्वनिगःया पलेस्वां’, खय् भाय्या ‘मेरो प्यारो मध्यपुर थिमि’ व अंगे्रजी ं च्वयादीगु ‘अनबिटेबल’ नांया सफू छगू हे ज्याझ्वलय् पितब्वज्या याःगु खः । च्वमि प्रजापतिया अबु तुल्सीबहादुर प्रजापतिया सभापतित्वय् जूगु ज्याझ्वलय् वय्कःलिसें मूपाहां मध्यपुर थिमि नगर प्रमुख मदनसुन्दर श्रेष्ठ, उपप्रमुख […]

येँ – कसाः तःधं गुथि अन्तर्गत निगू कवःया मंकाः ग्वसालय् हिदान ज्याझ्वः जुल । गुथि अन्तर्गतया कसाः मिसा पुचः व कसाः युवा पुचःया ग्वसालय् वंगु शनिवाः केलत्वालय् उगु हिदान ज्याझ्वः जूगु खः । नेपाःया न्हापांम्ह हिदातालिसें समाजसेवी दयावीर सिंह कसा व नेपाल ब्लड डोनर्स एशोसियसन (ब्लोदान)या संस्थापक नायः शरद कसाः ‘कसाःछेँ’या किपाय् स्वां देछासे उगु […]

किपू-  किपू नगरपालिकां नगरया थीथी ब्वनेकुथियात सम्पदा व बाखं मुना सफू लःल्हाःगु दु । किपू नगरपालिकाया प्रमुख रमेश महर्जनं किपू नगरया ब्वनेकुथियात पर्य–सम्पदा परियोजना अन्तर्गत उगु सफूत लःल्हाःगु खः । नगर प्रमुख महर्जनं मंगल मा.वि.इ जूगु छगू ज्याझ्वःया दथुइ परियोजना अन्तर्गत युएन ह्याबिटाट व लुमन्ति आवासया निंतिं सहयोग समूहं तयार याःगु बाखं मुना सफू लःल्हानादीगु खः । नगरपालिकां […]

येँ – जनता समाजवादी पार्टीया स्वनिगलय् च्वंपिं कार्यकर्तातय्गु नेवाः राष्ट्रिय समितिं स्वनिगःया थीथी समस्यात समाधान याना वनेगु लागिं ‘जनसरोकार दस्ता’ गठन याःगु दु । थ्व दस्तां स्वनिगःया नेवाः लगायत सुं नं उत्पीडनय् लानाच्वंपिं मनूतय्गु समस्या समाधान यायेगु लागिं पहल याइगु खँ उगु दस्ताया संयोजक श्यामकृष्ण प्रजापतिं कनादीगु दु । भाजु प्रजापतिं ‘नेपालभाषा टाइम्स’ यात कनादी कथं थ्व […]