बुखँ

येँ(नेपालभाषा टाइम्स)÷क्यानाडाय् च्वनाच्वंपिं नेपाःमितय्सं अनया संसद भवनय् विक्रम संवत् २०८० न्हूदँ थीथी ज्याझ्वः यासें हंगु दु । क्यानाडाय् च्वनाच्वंपिं नेपाःमितय्सं राजधानी ओट्टावास्थित संसद भवन दुने हे थुकथं थीथी ज्याझ्वः यानाः न्हूदँ हंगु क्यानाडा व नेपाःमि समुदायया इतिहासय् थ्व न्हापांखुसी खः । क्यानाडाया संसद भवनय् हे थुकथं विक्रम संवत् २०८०या न्हूदँ हनेगु ज्याझ्वः डफरीन–क्यालेडन क्षेत्रया सांसद माननीय कायल […]

येँ नेपालभाषा टाइम्स)- छत्रपाटी निःशुल्क चिकित्सालयया नव निर्वाचित पदाधिकारीपिंत वैशाख १६ गते शनिवाः जूगु निर्वाचन ज्याझ्वलय् दसिपौ लःल्हायेगु ज्या जूगु दु । डा. मनोजमा श्रेष्ठया अध्यक्षताय् भिंmछम्हेसिया न्हूगु कार्यसमिति निर्विरोध निर्वाचित जूपिं सकलसित निर्वाचन समितिं दसिपौ लःल्हागु खः । ज्याझ्वलय् मूपाहां येँ महानगरपालिका १७ वडा वडाअध्यक्ष नापं महानगरपालिकाया प्रवक्ता नविन मानन्धरं निर्वाचित जुयादीपिं सकल पदाधिकारीपिंत […]

येँ (नेपालभाषा टाइम्स)- टियु क्रिकेट मैदानय् जुयाच्वंगु एसिसि प्रिमियरकपया फाइनलया ल्यं दनिगु कासा थौं मंगलवाः जुइगु  जूगु दु । नेपाः व युएइ दथुइ जुयाच्वंगु फाइनल कासा सोमवाः वा वयाः दिकेमाःगुलिं थौं हाकनं कासा जुइगु जूगु खः । सोमवाः युएई न्हापां ब्याटिङ यासें २७.३ ओभरय् ९ विकेटया क्षतिइ १०६ रन दयेकूगु स्थितिइ कासा दिकेमाःगु खः । […]

येँ (नेपालभाषा टाइम्स)- येँया सुकुम्बासीतय्सं यदि थःपिंत वैकल्पिक आवासया व्यवस्था जुल धाःसा सुकम्बासी बस्ती त्वःतेत तयार दुगु खँ धाःगु दु । उमिसं येँ मनपाया मेयर बालेन साहयात ध्यानाकर्षण पौ लःल्हासें भूमि सम्बन्धी ऐन व नियमावलीया आधारय् भूमिहीन, सुकुम्बासी व अव्यवस्थित रुपं च्वनाच्वंपिनि म्हसीका व लगत संकलन लिसें वैकल्पिक आवासया व्यवस्था यानाः जक बस्ती चीकेत इनाप याःगु […]

येँ (नेपालभाषा टाइम्स)÷ नेपालभाषा व तामाङ भाय्यात बागमति प्रदेशय् सरकारी ज्याखँया भाषाया रुपय् लागू मयाःतले नेवाः समुदायं दिपाः हे मकासे पलाः न्ह्याका वनेगु खँ धाःगु दु । शनिवाः नेवाः देय् दबू पाखें याःगु छगू सहलह ज्याझ्वलय् न्ववानादीपिं वक्तातय्सं बागमति प्रदेशय् नेपालभाषायात नं ज्याखँया भाषा दयेकेगु लागिं निरन्तर रुपं पलाः न्ह्याका च्वनेगु खँ धाःगु खः । देय् दबू […]

येँ (नेपालभाषा टाइम्स)÷ भाषा निभाः प्रेमबहादुर कसाःया १०६ दँ बुन्हि अाइतवाः न्यायेकल । थ्व लसताय् म्हिगः आशा सफूकुथिइ च्वंगु वय्कःया झ्वाताय् स्वांमाः क्वखायेकेगु ज्या जूगु खः । अथे हे थ्वहे लसताय् थनया रत्न राज्यलक्ष्मी क्याम्पसया नेपालभाषा विद्यार्थीतय्सं नं छगू साहित्यिक व सांगीतिक ज्याझ्वः यानाः वय्कःया बुन्हि हंगु खः ।