बुखँ

येँ (नेपालभाषा टाइम्स)÷प्रधानमन्त्री पुष्पकमल दाहालं चीनय् जूगु बोवाओ फोरमय् वने मखु धकाः नेपालं निर्णय मयानागु खँ धयादीगु दु । म्हिगः राष्ट्रियसभाय् सरकारया नीति तथा कार्यक्रमयात कयाः ब्वलंगु न्ह्यसःया लिसः बिसें वय्कलं उगु खँ धयादीगु खः । वय्कलं चीनय् जूगु बोवाओ फोरमय् ब्वनापौ वःगु खँ स्वीकार यासें तर नेपालं सरकारं वनेमखु धकाः निर्णय मयानागु स्पष्टीकरण बियादीगु खः । सम्बोधनया […]

येँ (नेपालभाषा टाइम्स)-येँ महानगरपालिका आर्थिक दँ २०८०÷८१ या बजेट न्हापा स्वयां म्हो मयायेगु तयारीइ दु । संघीय सरकारं प्रदेश व पालिकातय्त बीगु बजेट अनुदान कटौती याइगु जूसां कामपां धाःसा न्हापा थें हे बजेट हयेगु तयारी याःगु खः । येँ महानगरपालिकां चालु आर्थिक दँया निंतिं २५ अर्बया बजेट हःगु खः । थुगुसी नं थ्व हे हाराहरीइ बजेट वइगु खँ […]

दिलिप शाहीपाखें येँ- येँ महानगरपालिकां बँपसः चीकेगु ज्या याःगुलिं उकिया लिच्वः येँया होलसेल बजारय् लाःगु दु । येँया २१ वडाय् च्वंगु वसःया होलसेल पसलय् थौं कन्हय् ब्यापार मदुगु खँ पसः थुवाःतय्सं धाःगु दु । मोजा गन्जी सामानया होलसेल यानाच्वंम्ह व्यापारी श्याम श्रेष्ठं येँ मनपां बँपसः चीकेवं उकिया लिच्वः थःपिनिगु व्यापारय् लाःगु खँ कनादिल । वय्कःया थुकथंया होलसेल ज्वलं […]

येँ (नेपालभाषा टाइम्स)÷ सक्व देय् व थनया वज्रयोगिनी देगःयात विश्व सम्पदा धलखय् तयेगु निंतिं पहल यायेत माग जूगु दु । संघीय सांसद सोविता गौतमं वइगु आर्थिक दँ २०८०÷८१ या नीति व कार्यक्रमय् थ्व खँ दुथ्याकेमाःगु माग याःगु खः । संसदय् न्ह्यब्वःगु नीति व कार्यक्रमय् संशोधन प्रस्ताव तसें सांसद गौतमं कपिलवस्तुया तिलौराकोट व जनकपुरया जानकी देगःया […]

चन्द्रमान महर्जन जापान- जापानय् न्हापांखुसी नेपाःया पाठ्यक्रम कथं राष्ट्रिय परीक्षा बोर्ड बिउगु न्ह्यसःपौ कथं परीक्षा जूगु दु । टोकियोया ओगिकुबोय् च्वंगु एभरेस्ट इन्टरनेशनल स्कुलय् थ्व परीक्षा जूगु खः । थ्व परीक्षाय् विज्ञान संकायपाखे न्याम्ह, व्यवस्थापनपाखे नीनिम्हेसिनं ब्वति काःगु खः । परीक्षा बिउपिं विद्यार्थीतय्त शनिवाः स्कुलं छगू ज्याझ्वःया दथुइ बिदाइ बिउगु दु । ज्याझ्वलय् मू पाहाँ […]

येँ (नेपालभाषा टाइम्स)- नक्कली भुटानी शरणार्थी प्रकरण सम्बन्धी अनुसन्धान प्रतिवेदन प्रहरीं सरकारी वकिलया ज्याकुथिइ लःल्हाःगु दु । जिल्ला प्रहरी परिसर येँनं निला बिकाः याःगु अनुसन्धान लिपा म्हिगः प्रतिवेदन लःल्हाःगु खः । नेपाःमितय्त भुटानी शरणार्थी दयेकाः अमेरिका छ्वया बी धकाः करोडौं तका म्हःगु द्वपनय् ३३ म्ह मनू दुथ्याःगु निष्कर्ष पिकासें रायसहितया अनुसन्धान प्रतिवेदन जिल्ला सरकार वकिलया ज्याकुथिइ लःल्हाःगु […]