बुखँ

एजेन्सी÷ शक्तिशाली देय्तय् संगठन जी सेभेनया अर्थमन्त्रीतय्सं अमेरिकायात आः व्यापार युद्ध जुइगु ख्याच्वः बिउगु दु । क्यानडाया विस्लरय् जूगु जी सेभेनया बैठकय् अमेरिकां स्टिल व एल्मुनियमय् कर अप्वयेकूगु खँयात कयाः अर्थमन्त्रीतय्सं थ्व ख्याच्वः बिउगु दु । जी सेभेनय् दुथ्याःगु न्हय्गू देय्या अर्थमन्त्रीतय् बैठकय् अमेरिका लिसे व्यापार युद्ध पनेगु निंतिं छुं ई जक ल्यं दनिगु ख्याच्वः नं बिउगु […]

येँ – सरकारं हःगु न्हूगु बजेटं क्यान्सर, किड्नी, दुगःक्वँय् आदि थेंज्याःगु तःधंगु ल्वचं ग्रस्तपिं ल्वगितय्त जीवन निर्वाहया लागिं लय् न्याद्वः तका भत्ता बीगु धकाः न्हापा यानातःगु निर्णय लित कायेवं उगु ल्वय् दुपिं विरामीत निराश जूगु दु । सरकारं अज्याःगु भत्ता बी धायेवं करिब निसःम्ह ल्वगितय्सं उकिया लागिं निवेदन समेत बियातःगु खःसा आः उगु निवेदन छु जुइ […]

येँ -भारतया थीथी प्रदेशय् च्वंपिं नेवाःतय्त येँय् हयाः नेवाः संस्कार, संस्कृति, भाय् व रहनसहन स्यनेज्या जुइत्यंगु दु । संस्कृतिविद् गणेशराम लाछिं उकिया तयारी यानादीगु खः । भारतीय नेवाःतय् बारे विशेष कक्षा न्ह्याकेगु निंतिं थ्वहे वइगु जुन २० निसें भारतया डुबर्सय् छगू सहलह जुइत्यंगु खँ नं वय्कलं कनादिल । भारतया थीथी च्यागू प्रदेश व भूटानया नेवाः प्रतिनिधितय् दथुइ भारतय् […]

येँ- वीर हस्पिटलं थःपिनि न्हूगु सर्जिकल भवन दयेकेगु झ्वलय् अन नापसं च्वंगु द्यःछेँयात लिच्वः मलाइकथं संरचना दयेकेगु निर्णय जूगु दु । उगु द्यःछेँ थनया जनबहाः द्यःया न्ह्यःने च्वंगु लुँचुभुलु अजिमाया द्यःछेँ खः । म्हिगः येँ मनपा २७ वडाया वडाध्यक्ष समेत च्वनाः जूगु सहलहय् वीरया भिसी गणेश गुरुङं उगु प्रतिवद्धता प्वंकादीगु खः । द्यःछेँ स्वयां स्वंगू मिटर तापाक जक […]

येँ -चीनया केरुङंनिसें नेपाःया राजधानी येँय् तक वइगु रेलमार्गया प्रारम्भिक अध्ययन ज्या क्वचाःगु दु । चिनियाँ पुचः व नेपाःया प्राविधिक पुचलं वंगु शुक्रवाः रेलमार्गया प्राविधिक अध्ययन क्वचायेकूगु खः । चिनियाँ पुचलं वइगु अगष्ट महिनाय् प्राविधिक प्रतिवेदन लःल्हाइगु खँ सीदुगु दु । प्रधानमन्त्री केपी ओलीया चीन भ्रमणया झ्वलय् उच्च प्राथमिकताय् उगु रेलमार्गयात नं तयेगु कथं तयारी जुयाच्वंगु दु । असारया […]

येँ – जनसेवा सामुदायिक केन्द्रया खुक्वःगु साधारणसभा जुल । येँ महानगरपालिकाया मेयरलिसें केन्द्रया पुलांम्ह अध्यक्ष विद्यासुन्दर शाक्यं उगु साधारणसभाया उलेज्या यानादीगु खः । साधारणसभां विकासभक्त श्रेष्ठया अध्यक्षताय् १७ म्हेसिया न्हूगु ज्यासना पुचः नं नीस्वंगु दु । श्रेष्ठया अध्यक्षताय् गठन जूगु न्हूगु ज्यासना पुचलय् पवित्र वज्राचार्य उपाध्यक्ष, विजयकृष्ण श्रेष्ठ महासचिव, सुभानकुमार श्रेष्ठ सचिव व चिनियमान वज्राचार्य कोषाध्यक्षय् च्वनादीगु दु । […]