राष्ट्रिय

येँ (नेपालभाषा टाइम्स)- येँया विश्व शान्ति बिहारय् बु.सं. २५६६ या ६० क्वःगु नेपाल बौद्ध परियति शिक्षाया दीक्षान्त समारोह छगू तःजिगु ज्याझ्व यासें क्वचाल । अखिल नेपाल भिक्षु महासंघया अध्यक्ष नापं नेपाल बौद्ध परियति शिक्षाया शिक्षाध्यक्ष भिक्षु धर्मशोभन महास्थविरया अध्यक्षताय् जूगु उगु ज्याझ्वलय् वसपोलपाखें पञ्च शिल बियाबिज्यासें परियति शिक्षाया विद्यार्थीपिंत परियति प्रतिज्ञा नं याकाबिज्याःगु खः । […]

येँ (नेपालभाषा टाइम्स)- प्रधानमन्त्री पुष्पकमल दाहालया भारत भ्रमण लिपा नेपाःया सीमा सम्बन्धी विवादं न्हूगु मोड काःगु दु । खास यानाः भारतं कब्जा यानाः कयातःगु कालापानी, लिपुलेक व लिम्पियाधुराया भूमिया पलेसा नेपालं बंगलादेश तक वने फइ कथंया भूमि नेपाः– यात बिल धाःसा थ्व समस्या समाधान याये जी धकाः प्रम दाहालं भारतय् धया वःगु खँयात कयाः थन विवाद […]

येँ (नेपालभाषा टाइम्स)- नक्कली भुटानी शरणार्थी प्रकरणय् द्वपं लानाच्वंपिनिपाखें नेपाल बार एसोसिएसनया अध्यक्ष गोपालकृष्ण घिमिरे सहितया पुचलं वकालत याइगु जूगु दु । जिल्ला अदालत येँय् म्हिगःनिसें न्ह्याःगु थ्व सम्बन्धी थुनछेक वहसय् पुलांम्ह गृहमन्त्री बालकृष्ण खाँणया प्रतिरक्षाया निंतिं कांग्रेस समर्थित प्रजातान्त्रिक कानुन व्यवसायी संघं बहस यायेत तयारी याःगु खः । खाँणया पक्षय् पुलांम्ह महान्यायाधिवक्ता खम्मबहादुर खातीं नं बहस […]

पन्ति (नेपालभाषा टाइम्स)÷पन्तिइ नांजाःगु उन्मक्त भैरवया जात्रा म्हिगः क्वचाल । थ्व जात्रायात महाद्यः व भैरवपिंसं भद्रकालीलिसे याःगु यौन समागनयात चित्रण याइगु जात्राया रुपय् कायेगु याः । थ्व खास यानाः पन्तिया नांजाःगु इन्द्रेश्वर महाद्यःया जात्रा खः । थुकी महाद्यः व भद्रकालीया खःयात थवंथः ल्वाकाः जात्रा याइगु खः । द्यःया खः ल्वाकेगु थ्व ज्यायात संस्कृतिविद्तय्सं यौन समागमनया प्रतिक खः धकाः ब्याख्या […]

येँ (नेपालभाषा टाइम्स)- राष्ट्रपति पाखें प्रमाणीकरण जूगु नागरिकता विधेयक कार्यान्वयन मयायेत सर्वोच्च अदालतं अन्तरिम आदेश बिउगु दु । सर्वोच्चया न्यायाधीश मनोज शर्माया एकल इजलासं थुकी अल्पकालीन आदेश बिउगु खः । राष्ट्रपति पौडेलं गैरसंवैधानिक ढंगं नागरिकता विधेयक प्रमाणीकरण याःगु धासें वरिष्ठ अधिवक्ता सुरेन्द्र भण्डारी व बालकृष्ण नेउपानें रिट तःगु खः । उगु रिटय् म्हिगः सुनुवाइ यासें सर्वोच्चं अल्पकालीन अन्तरिम […]

किपू (नेपालभाषा टाइम्स)- नेपालभाषा एकेदेमिया ग्वसालय् जुयावयाच्वंगु सर्जक व सृजनाया निगूगु ब्व शनिवाः एकेदेमिया हल किपुली जुल । थ्व पालय्या ज्याझ्वलय् वरिष्ठ आख्यानकार मथुरा साय्मिया सृजना व वय्कःया बारे चर्चापरिचर्चा जूगु खः । एकेदेमिया भाइस चान्सलर मल्ल के सुन्दरपाखें ज्याझ्वः बारे जानकारी बिसें न्ह्याःगु ज्याझ्वलय् प्रा. प्रेमशान्ति तुलाधरं आख्यानकार साय्मिया जीवनबारे कुलादीगु खःसा साहित्यकार डा. […]