राष्ट्रिय

येँ -बर्खा शुरु जुयाः पत्तितय्सं तसकं दुःख बिया हःसां पत्ति उन्मूलनया लागिं नगरपालिकां छुं हे ज्या मयाः धासें जनकपुरया स्थानीय ल्याय्म्हतय्सं न्हिनय् हे झुलं म्हय् भुनाः जुलुस पिकाःगु दु । छेँय् तयेमाःगु झुलं म्हय् भुनाः पुचः पुचःया जुलुस पिकयाः बजाः चाःहिलेवं यक्वस्यां उकी ध्यान बिउगु खः । परिवर्तनका लागि युवा व स्थानीय जानकी युवा क्लबया ग्वसालय् अज्याःगु […]

येँ -छखे स्थानीय निकायतय्सं सरकारपाखें ध्यबा मवयाः माक्व विकासया ज्या याये मखनाच्वन धयाच्वंगु दुसा मेखे सरकारं धाःसा स्थानीय निकायया लागिं थःपिंसं छ्वयागु ध्यबा स्थानीय निकायतय्सं खर्च हे मयाःगु द्वपं बिया हःगु दु । थुगुसी तःदँ लिपा स्थानीय निकायया चुनाव जुयाः निर्वाचित जनप्रतिनिधि वःगु जुयाः सरकारं आन्तरिक ऋण उठे यानाः जूसां स्थानीय निकायतय्त ध्यबा छ्वयागु खँ धाःगु […]

येँ – प्रधानमन्त्री केपी ओलीं झिंछम्ह मन्त्री व प्यम्ह राज्यमन्त्री सहित मन्त्रिपरिषद विस्तार याःगु दु । संघीय समाजवादी फोरम नं सरकारय् वनीगु धाःसा शुक्रवाः जूगु विस्तारय् धाःसा फोरम दुमथ्यात । अय्नं फोरमया निंतिं निगू मन्त्रालय धाःसा खाली यानातःगु दु । न्हूपिं मन्त्रीपिंसं थौं हे राष्ट्रपति ज्याकुथिइ पद तथा गोपनीयताया शपथ काःगु खः । आः प्रधानमन्त्री […]

येँ- बुद्ध संवत् २५६२ क्वःगु स्वांयाःपुन्हि तःजिक हनेगु निंतिं समारोह समिति नीस्वंगु दु । शान्ति नायक शाक्यमुनि गौतम बुद्धया जन्म, सम्बोधिज्ञान लाभ व महापरिनिर्वाण जुयाबिज्याःगु २६५२ क्वःगु स्वांयाःपुन्हि देय्न्यंकं थीथी ज्याझ्वः यासें तःजिक हनेत भिक्षु धम्ममूर्ति महास्थविरया अध्यक्षताय् मूल सामारोह समिति नीस्वंगु खः । समितिइ न्याम्ह उपाध्यक्षय् भिक्षु कोण्डन्य, रमेश मानन्धर, गौतम शाक्य, गुह्यरत्न शाक्य, शंकरराज सिंह […]

येँ – नेपालय् दुर्घटनाग्रस्त जूगु बंगलादेशया विमानय् लानाः मदुपिनि छेँजःपिंत नेपाः सरकारं माक्व ग्वहालि मयाःगु खँ बंगलादेशया सञ्चार माध्यमतय्सं च्वया हःगु दु । विमान दुर्घटनाय् जुइवं उकी लानाः घाःपाः जूपिंत एम्बुलेन्सय् तयाः अस्पतालय् तये धुंकाः वयां लिपा पीडितयात वास्ता तकं मयाःगु खँ उमिसं च्वया हःगु दु । अस्पतालय् भर्ना याना तःपिं थः–थितिपिं तकं नापलाके मबिसे पना तःगु […]

येँ – ३ नम्बर प्रदेशय् येँनं त्याःम्ह नेपाली कांग्रेसया सांसद नरोत्तम वैद्यं थम्हं थ्व प्रदेशया नां ‘पशुपति प्रदेश’तयेमाः धकाः गबलें गनं हे मधयागु खँ कनादीगु दु । थीथी सञ्चार माध्यमय् थम्हं पशुपति प्रदेशया वकालत यात धकाः पिहां वयाच्वंगु समाचारया खण्डन यासें वय्कः फुसा थ्व प्रदेशया नां ‘नेवाः–ताम्सालिङ’ प्रदेश हे तयेमाः धइगु पक्षय् खः, मखुसा नेपालमण्डल प्रदेश […]