अन्तर्राष्ट्रिय

येँ – भारतया मनसुनी वर्षाया कारणं १४० मनू सीगु दु । भारतीय उद्धारकर्मीतय् उगु जानकारी बिउगु दु । बिहार राज्यया राजधानी पटनाया विद्यालय व अस्पतालय् लिसें सतकय् लः जायाच्वंगु दु । भारतीय जलवायु विज्ञान विभागया कथं विहार क्षेत्रय् सन् १९९४ थुखेया थ्व दकलय् अप्वः वा वःगु खः । विभागं मनसुनी वर्षा लिबाःगु व थ्व ताः […]

साउदी अरबया युवराजं इरानयात नियन्त्रणय् मतल धाःसा चिकंया भाः बिचाः हे मयाः कथं थहां वनीगु ख्याच्वः बियादीगु दु । युवराज मोहम्मद बिन सलमानं इरान व साउदी अरब दथुइ युद्ध जुल धाःसा उकिं विश्वस अर्थतन्त्रयात हे तहसनहस यानाबीगु ख्याच्वः नं बियादीगु दु ।निवाः न्ह्यः साउदीया चिकं प्रशोधन केन्द्रय् ड्रोन आक्रमण जुइवं साउदी व इरान दथुइ तनाव ब्वलनाच्वंगु दु । […]

अमेरिकी राष्ट्रपति डोनाल्ड ट्रम्पं वइगु वालय् संयुक्त राष्ट्र संघया महासभाया झ्वलय् इरानी राष्ट्रपतियात नापलायेगु सम्भावना दुगुख ँ धयादीगु दु । तर थुकिया निंतिं औपचारिक रुपं छुं कार्यक्रम क्वःमजिउनिगु खँ नं वय्कलं धयादीगु दु । संयुक्त राष्ट्र संघया महासभा बैठकस्थल न्यूयोर्कय् निम्ह नेता नापलायेफुगु सम्भावनायात कयाः थौंकन्हय् थीथी अनुमान जुयाच्वंगु दु । फ्रान्सेली राष्ट्रपति इम्मानुएल म्यांक्रों धाःसा निम्हं नेतातय्त […]

येँ – पाकिस्तानी क्षेत्रय् लाःगु काश्मीरय् म्हिगः ६.३ म्याग्निच्युटया भुखाय् ब्वःगु दु । उकी लानाः न्याम्ह सीगु स्थानीय जनता सीगु दुसा मेपिं ७६ म्ह घाःपाः जूगु दु । पाकिस्तानया राजधानी इस्लामावादं १३४ किलोमिटर तापाक च्वंगु पाकिस्तान अधिनस्थ क्षेत्र काश्मिरया मीरपुर केन्द्र विन्दु जुयाः भुखाय् ब्वःगु खँ भारत व पाकिस्तानी सञ्चार माध्यमं धाःगु दु । समाचार […]

येँ – अमेरिकी राष्ट्रपति डोनाल्ड ट्रम्पं युक्रेनया राष्ट्रपतिलिसे फोनय् यानादीगु छगू खँल्हाबल्हा ट्रम्प विरुद्ध महाभियोग तयेगु आधार जुइफइगु खँ धयाहःगु दु । अमेरिकी संसदया छगू शक्तिशाली समितियाअध्यक्षं थ्वदावीयाःगु खः । हाउस अफ रिप्रिजेन्टटिभया गुप्तचरी सम्बन्धी समितिया नेतृत्व यानादीम्ह एडम शिफं सीएनएनलिसे खँल्हासें थ्व दावी यानादीगु खः । शिफं कनादी कथं राष्ट्रपति ट्रम्पं उगु फोन वार्ताय् थःगु देशया विपक्षी […]

इजरायलया संसदया निंतिं मंगलवाः मतदान जूगु दु । प्रधानमन्त्री बेन्जामिन नेतान्याहुया सरकार अल्पमतय् लोवं इजरायलय् दछिया दुने हे निक्वःखुसी संसदीय आमनिर्वाचन जूगु खः । इजरायलया इतिहासय् दकलय् ताःई तक नेतान्याहु प्रधानमन्त्री जुयाच्वनादीगु दु । भ्रष्टाचार व प्यालेस्टाइन मामिलाय् विवादय् लानाच्वंम्ह प्रधानमन्त्री नेतान्याहु थुगु चुनावय् नं थः त्याइगु विश्वासय् दु, तर चुनाव न्ह्यव जूगु मत सर्वेक्षणय् धाःसा वय्कःया पार्टी […]