
रुसय् जुयाच्वंगु विश्वकपय् बुधवाः तक रोनाल्डों प्यंगू गोल थ्वाये धुंकूगु दु । अले रोनाल्डो थुगु विश्वकपय् आःतक दकलय् अप्वः गोल थ्वाःम्ह कासामि जुयाच्वंगु दु ।तर विश्वकप इतिहासय् दकलय् अप्वः गोल थ्वाःम्ह कासामि धाःसा जर्मनीया मिरोस्लाभ क्लोज खः । वं मुक्कं प्यंगू विश्वकप म्हिता झिंखुगू गोल याःगु खः ।
क्लोज धुंकाः दकलय् अप्वः गोल याःम्ह ब्राजिलया रोनाल्डो खः ।रोनाल्डोया नामय् झिंन्यागू गोल दु । वं सन् २००२ लय् जक च्यागू गोल नकूगु खः । छगू हे विश्वकपय् दकलय् अप्वः गोल याःम्ह धाःसा फ्रान्सया जस्ट फोन्टेन खः । वं सन् १९५८ या विश्वकपय् खुगू कासा म्हिताः मुक्कं झिंस्वंगू गोल याःगु खः ।
LEAVE YOUR COMMENTS