ख्यालि न्हिली
छम्ह मनूया लँ तन । वयागु कार छगू गामय् थ्यंकः वन गन तःमागु सिमा छमाया क्वय् छम्ह बुरा च्वनाच्वंगु दु । वं बुरायाके न्यन— ‘११ नम्बर हाइवेया लँ गुखेर लाः ?’
‘मसिउ ।’— बुरां धाल ।
‘अय्सा थ्व खँ ला सिउ जुइ नि, किसनगढय् थ्यंकेत गुगु सतकय् वनेमाली ?’
‘मसिउ ।’
‘यदि जि थ्व हे सतकं तप्यंक न्ह्याःवन धाःसा तबालागु सतकय् थ्यंकेत जिं जवय् फहिले माली लाकी देपाय् फहिले माली ?’
‘मसिउ ।’
‘हरे, छि ला छुं हे मसिउम्ह लानाच्वन का ।’
‘खः तर जि गबलें नं तंगु मदुनि ।’
ह्ह्ह्
‘छिमि गर्लफ्रेन्डया छुं विशेष बानी ?’
‘अँ, वया लुसि वांन्यानाच्वनेगु बानी दु ।
‘थथे ला अप्वःथे मिसातय्सं याः ।’
‘तुतियागु ।’
LEAVE YOUR COMMENTS