बागमति सभ्यता बारे सफू विमोचन
- नेपालभाषा टाइम्स
- ११३८ अनलाथ्व त्रयोदशी
- किपा-ग्वाहालि - नेवाः सुचना केन्द्र
यल – संस्कृतिविद् डा. साफल्य अमात्यं च्वयादीगु ‘बागमति सभ्यता उद्भव व विकास’ सफू विमोचन 
जूगु दु ।
वाङ्मय शताब्दीपुरुष सत्यमोहन जोशी मूपाहां कथं झायादीगु छगू ज्याझ्वलय्, येँ मनपाया मेयर विद्यासुन्दर शाक्य व किपू नगरपालिकाया मेयर रमेश महर्जनं मंकाः कथं सफू विमोचन यानादीगु खः । उगु हे ज्याझ्वलय् एकेदेमिया भाइस चान्सलर यज्ञरत्न धाख्वाःया मू सम्पादनय् ‘नेवाः प्रज्ञा’ जर्नलया न्हापांगु ल्याः नं विमोचन याःगु खः ।
एकेदेमिया चान्सलर चित्तरञ्जन नेपालीया सभापतित्वय् जूगु उगु ज्याझ्वलय् सदस्य सचिव मल्ल के सुन्दरं लसकुस यानादीगु खः ।
ज्याझ्वलय् न्ववानादिसें च्वमि संस्कृतिविद् अमात्यं विमोचन जूगु सफू व जर्नल साहित्य व अनुसन्धानात्मक ख्यलय् महत्वपूर्ण जुइगु बिचाः प्वंकादीगु खः ।
LEAVE YOUR COMMENTS