स्थापित खलःया सुभाय् देछा

येँ(नेपालभाषा टाइम्स)÷स्थापित खलकं उदाष् समाजया ग्वसालय् छुं दिं न्ह्यः जूगु निक्वःगु गुंला बाजं ब्वज्याय् ब्वति काःपिंत सुभाय् देछाःगु दु । स्थापित गुंला बाजं खलकं छुं दिं न्ह्यः थनया वसन्तपुलिइ जूगु निक्वःगु गुंला बाजं ब्वज्याय् खलःपाखें ब्वति काःपिं सुभाय् पौ देछाःगु खः ।

स्थापित खलःया नायः दीपक स्थापितं गुंला बाजं ब्वज्याय् ब्वति कायेत जूगु तयारीलिसें ब्वति काःगु ईया बारे जानकारी बियादीगु खः । लिसें वय्कलं वइगु दिनय् खलःपाखें नियमित रुपं गुंलालिसें मेमेगु धार्मिक ज्याखँय् गुंला बाजं थाना वनेगुकथं तयारी जुयाच्वंगु नं वय्कलं जानकारी बियादिल ।

खलःया बाजं गुरु गौतमरत्न स्थापितं बाजं ब्वज्याय् ब्वति काःगु वापत समाजपाखें देछाःगु मतिनाया तिं व सुभाय् पौ खलःया नायःयात लःल्हानादीगु खःसा बाजं ब्वज्याय् ब्वति कयादीपिंत खलःया सल्लाहकार डा. प्रेमरत्न स्थापित सुभाय् पौ व नायः स्थापितं खादा क्वखायेकादीगु खः ।

वंगु असोज ६ गते शनिवाः उदाय समाजया उदाय म्युजियमया ग्वसालय् वसन्तपूस्थित दशअवतार देगलय् निक्वःखसी गुंलाबाजं ब्वज्या जूगु खः ।
समाज अन्त्र्गतया थीथी जातीय खलः पुचलं ब्वति काःगु ब्वज्याय् छुं छुं खलःपाखें मुक्कं मिसापिंसं जक धाःबाजंया प्रस्तुति न्ह्यब्वःगु खः ।