मोदी चीन वनाः जक नेपाः वइगु

येँ – भारतीय प्रधानमन्त्री नरेन्द्र मोदी नेपाः वये न्ह्यः चीन भ्रमणय् वनीगु जूगु दु । मोदी जेठ ११ गते नेपाः वयेगु तयारी यानाच्वंगु खः । तर मोदी वइगु शुक्रवाः हे चीन वनीगु ग्वसाः दु । मोदी व चिनियाँ राष्ट्रपति सी जिनपिङ दथुइ वइगु शुक्रवाः व शनिवाः निन्हु अनौपचारिक वार्ता जुइ ।

साङ्घाई कोअपरेसन अर्गनाइजेनसन (एससीओ) या सम्मेलन वइगु जुन ७ व १० य् जुइ । चिनियाँ विदेशमन्त्री वाङ यी व भारतीय विदेशमन्त्री सुष्मा स्वराज नापलायेधुंकाः सी व मोदी नापलायेगु खँ क्वःछिउगु खः । यी व स्वराजं पत्रकार सम्मेलनय् राष्ट्रपति सी व प्रम मोदी दथुइ जुइगु वार्ता निगुलिं देय्या निंतिं कोशल्वहं जुइगु खँ धयादीगु दु ।