लँय् बस फातापुलाः निम्ह सित

येँ (नेपालभाषा टाइम्स)- येँया पेप्सीकोलाय् म्हिगः लँय् हे छगः बस फातापुलाः निम्ह मनू सीगु दुसा मेपिं झिंनिम्ह घाःपाः जूगु दु । सीपिं मध्ये सशस्त्र प्रहरी बल नं. २० विपद् उद्धार उपत्यका गण सिनामंगलया प्रहरी जवान उषा थापा व सर्लाहीया राजन भट्टराई खः

। जडीबुटीं पेप्सीकोलापाखे वनाच्वंगु क्षेत्रीय उपत्यका बस व्यवसायी संघया बा. ३ ख ४८४८ नम्बरया बस फातापुलाः अःखः दिशां वयाच्वंगु बा. ६ च ५३४२ नम्बरया बलेरो डागीइ न्याः वंगु खः ।

उकी लानाः छगः स्कुटर व छगः मोटरसाइकल नं क्षति जूगु दु । घाःपाः जूपिंत थीथी अस्पतालय् वासः याकातःगु दु । सिसीटिभी फुटेजय् खनेदु कथं न्ह्यःनं वयाः स्वाट्ट लँ क्रस जुयाः वंगु छगः मोटरसाइकलयात बचे यायेत स्वःबलय् यात्रुवाहक बस लँय् हे फातापुलाः बोलेरोयात ठक्कर नकःवंगु खः ।