लामिछानेया मुम्बई भ्रमण छाय् ?

येँ (नेपालभाषा टाइम्स)- राष्ट्रिय स्वतन्त्र पार्टीया अध्यक्ष रवि लामिछानेया मुम्बई भ्रमणयात कयाः थीथी न्ह्यसः ब्वलंगु दु । प्रधानमन्त्री पुष्पकमल दाहाल भारत भ्रमणय् वनाच्वंगु इलय् हे रवि लामिछाने नं भारत वंगुलिं थीथी न्ह्यसः ब्वलंगु खः ।

लामिछाने भारत वंगु खँ सामाजिक सञ्जालपाखें सार्वजनिक जूगु खः । नेपाःया राजनीतिइ विदेश हस्तक्षेपया विरोध याना वयाच्वंम्ह लामिछानेया थ्व भ्रमण छाय् धकाः सुना नं मसिउनि ।

वय्कः यदि स्वास्थ्य समस्या दयाः भारत वंगु खःसा वय्कः ला नेतातय्गु उपचार नेपालय् हे यायेमाः धकाः वकालत याइम्ह खः, थः हे भारतय् वासः याकः वनेगु पाय्छि मजुल ।
अथे हे छुं सामान न्यायेत वंगु खःसा वय्कः स्वदेशी उत्पादनयात बः बीम्ह खः, भारतय् छाय् वने माल धइगु न्ह्यसः पिहां वइगु स्वाभाविक खः ।

प्रधानमन्त्री दाहाल दिल्ली वंगु हे ताकाय् लानाः येँ मनपाया मेयर बालेन साह नं न्हूदिल्लीया यात्राय् झाःगु दु । मेयर साहया दिल्ली भ्रमण नं छु कारणं खः धइगु सी मदुनि । कारण स्पष्ट मजूगुलिं वय्कःपिनि भ्रमणयात नं प्रमया भ्रमणलिसे हे स्वानाः स्वया हःगु दु ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु