साेमवाः सुथय् ७ः४५ बजे चीर स्वाइगु

येँ (नेपालभाषा टाइम्स)- न्ह्यःने वयाच्वंगु होलि पर्वया झ्वलय् आः वइगु अष्टमि (फागुन १५ गते) सोमवाः कुन्हु चीर स्वाइगु जूगु दु । नेपाल पञ्चाङ्ग निर्णायक विकास समितिं चीर स्वाइगु साइत नं पिकायेधुंकूगु दु । समितिया कथं फागुन १५ गते सुथय् ७ः४५ बजेया साइतय् चीर स्वायेगु ज्या जुइ । थ्व चीर होलि पुन्हि कुन्हु क्वःथली । समितिं बिउगु साइत कथं फागुन २२ गते चान्हय् २९ः४५ बजे (कन्हय् कुन्हु सुथय्पाखे ५ः४५ बजे) चीर क्वःथली । अथे क्वःथःगु चीर तिंख्यलय् यंकाः छ्वयेकीगु चलन दु ।