येँय् मत च्याकेत प्राधिकरण तयार

येँ- येँ महानगरपालिकां येँ देय् झिलिमिलि यायेगु लागिं सुरु याःगु ‘मेयर झिलिमिलि’ ज्याझ्वःयात नेपाल विद्युत प्राधिकरणं नं साथ बीगु जूगु दु । म्हिगः प्राधिकरणया निर्देशक कुलमान घिसिङं येँ मनपाया मेयर विद्यासुन्दर शाक्ययात नापलासें येँय् सतक मत तयेगु मनपाया ग्वसाःया जिम्मा थःपिंसं कायेगु प्रस्ताव तयादीगु खः । मनपां सतक मतया लागिं थःपिंसं शुल्क पुला बी तर उकिया दर धाःसा मेमेगु मत स्वयां म्हो जुइमाः धइगु प्रस्ताव तःगु दु । प्राधिकरण व मनपा जानाः येँया फुक्क हे सतकय् मत तयेगु योजना न्ह्याकेगु बारे नं अन खँ जूगु खः ।