स्वनिगलय् जग्गाया कित्ताकाट खुले जुल
येँ (नेपालभाषा टाइम्स)÷नेपाल सरकारं ताःई न्ह्यवंनिसें पनातःगु स्वनिगःया जग्गा कित्ताकाट म्हिगःनिसें खुले याना बिउगु दु । येँ, यल व ख्वप स्वंगुलिं जिल्लाय् जग्गा वर्गीकरणया ज्या क्वचाःगुलिं कित्ताकाटय् न्हापा तयातःगु पंगः चीकूगु खः । भूमि व्यवस्था तथा अभिलेख विभागया तथ्यांकं स्वनिगःया जग्गा वर्गीकरण ज्या क्वचायेकूगु खः ।
विभागया कथं स्वनिगलय् च्वंगु स्थानीय तहं कृषि व गैरकृषि धकाः जग्गाया वर्गीकरण याःगु खः । मेगु विधाय् धाःसा वर्गीकरण यायेगु ज्या ल्यं हे दनि । आःया नितिं कृषिया जग्गा जक कित्ताकाट खुले जूगु खः । गैर कृषिया जग्गा धाःसा वर्गीकरण लिपा जक कित्ताकाट खुले जुइगु खँ विभागं धाःगु दु ।
थौं कन्हय् विभागं कृषि, आवासीय, व्यावसायिक, औद्योगिक, खानी तथा खनिज, वन यानाः थीथी विधाय् स्थानीय तहं जग्गा वर्गीकरण यायेगु ज्या यानाच्वंगु दु ।
LEAVE YOUR COMMENTS