बाजं खलःयात बाजं ज्वलं ग्वाहालि

येँ(नेपालभाषा टाइम्स)÷बागमति प्रदेश सांसद राजेश शाक्यं येँ महानगर अन्तर्गत थःगु निर्वाचन क्षेत्र दुने लाःगु न्यागू वडाया परम्परागत बाजं खलःयात थीथी बाजंज्वलं लःल्हानादीगु दु । बागमति प्रदेश सरकारया विषयगत मन्त्रालय अन्तर्गत आर्थिक दँ ०७८÷७९या योजनाकथं येँ निर्वाचन क्षेत्र नं. ८ (क) अन्तर्गतया परम्परागत रुपं संचालन जुया वयाच्वंगु बाजं खलःयात बाजं ज्वलं लःल्हाःगु खः ।

नेकपा (एमाले) येँ जिल्लाया सचिव तकं जुयादीम्ह प्रदेश सांसद शाक्यया सक्रियताय् बाजं ज्वलं लःल्हाःगु खः । उगु इलय् वय्कःया निर्वाचन क्षेत्र अन्तर्गत वडा नं. १३, १९, २०, २३ व २४ वडाया परम्परागत बाजं खलःयात बाजं वितरण याःगु खः ।

सांसद शाक्यं प्रदेश सरकारया विषयगत मन्त्रालय अन्तर्गत आर्थिक दँय् परम्परागत बाजं संरक्षण निंतिं ५० गू लखया बजेट तयादीगु खः। उगु इलय् वय्कलं थःगु निर्वाचन क्षेत्रय् लाःगु न्यागू वडाया २९ गुंगू परम्परागत त्वाः, गुथि, खलःयात बाजंज्वलं लःल्हानादीगु खः ।

सम्बन्धित वडा दुनेया केशचन्द्र गुंला बाजं खलः, ओमबहाः त्वाः खलः, मानन्धर सनाःगू खलः न्हूसाः, भिंद्यः गुथि, दैसाः त्वाः सनागू खलः, लाय्कूसा मानन्धर समाज, अशोक विनायक गुथि, नेपाल खड्गी सेवा समिति, कंग अजिमा सांस्कृतिक पुचः, चस्वांद्वँ मानन्धर सनाःगू खलः, किलाघः सांस्कृतिक पुचः, रत्नकीर्ति महाविहार गुंला बाजं खलः, बज्र कला कुञ्ज, दफ्टर नाय्खिं बाजं खलः, ताम्राकार गुंला बाजं खलः लगायतयात बाजं ज्वलं लःल्हाःगु खः ।
परम्परागत बाजं खलःयात धिमय्, धा, भुस्याः नाय्खिं, छुस्याः, ताः, बासुरि, हार्मोनियम, धोलक, मादल लगायतया बाजं ज्वलं लःल्हाःगु खः ।

सम्बन्धित बुखँ

LEAVE YOUR COMMENTS