पीम्हेसिनं विश्वकप प्रत्यक्ष स्वये खनीगु

येँ – रुसय् जुइगु विश्वकप फुटबलय् पीम्ह नेपाःमिं नं प्रत्यक्ष रुपं स्वये खनीगु जूगु दु । रुसय् जूवनाच्वंगु फिफा विश्वकप फुटबल प्रत्यक्ष रुपं स्वयेगु निंतिं आवश्यक व्यवस्था नेपाःस्थित बहुराष्ट्रिय पेय पदार्थ कम्पनी कोकाकोलां यायेत्यंगु खः । कोकाकोला नेपालं थः उपभोक्तामध्ये भाग्यमानी पीम्हेसित रुसय् जुइगु विश्वकप फुटबलया प्रत्यक्ष स्वयेगु अवसर बीत्यंगु खः । थन छगू पत्रकार सम्मेलन यासें कोकाकोला नेपालं ‘कोक खाम, रसिया जाम’ धइगु अफर संचालन यायेत्यनागु जानकारी बिसें उगु अफर अन्तर्गत पीम्ह भाग्यमानी नेपाःमियात दक्वं खर्च थःपिंसं हे यायेकथं विश्वकप फुटबल प्रत्यक्ष रुपं क्यने यंकेगु जानकारी बिउगु खः ।

कोकाकोलाया नेपाःया निंतिं निर्देशक अम्बुज सिंहं थःपिंसं वंगु प्यंगू दशक न्ह्यवंनिसें फिफालिसे सहकार्य याना वयाच्वनागु धासें उगु अफर अन्तर्गत सहभागि मध्ये १२,६०० विजेतां फिफाया लोगो दुगु विशेष उपहार नं त्याके फइगु जानकारी पत्रकार सम्मेलनय् बियादिल । फेब्रुअरी १५ निसें शुरु जूगु अफर अप्रिल १५ तक संचालन जुइगु व उगु योजना अन्तर्गत कोकाकोलाया लिउने दइगु १० अंकया युनिक कोडयात एसएमएस यानाः प्रत्यक्ष रुपं विश्वकप स्वयेगु म्हगस पूवंके फइ ।बोटलर्स नेपाल अन्तर्गतया उत्पादन कोकाकोला, फ्यान्टा, अरेन्ज फ्यान्टा, लेमन व स्प्राइटय् लागू यानातःगु योजनाय् ब्वति कायेत १८ दँ पूरा जुइमाःगु प्रावधान तयातःगु दु ।