अनन्त तामाङ इन्डियन सुपर लिगय्

येँ – नेपाःया राष्ट्रिय फुटबल टिमया डिफेन्डर अनन्त तामाङ इन्डियन सुपर लिग (आइएसएल) य् आबद्ध जूम्ह न्हापांम्ह नेपाःया कासामि जूगु दु । थ्री स्टार क्लबया कासामि अनन्तं आइएसएलया इस्ट बंगाल टिमय् अनुबन्धित जूगु खः । अनन्त फ्रिट्रान्फरय् इस्ट बंगलाय् वंगु खः । थ्रीस्टारंं आइएसएलया निंतिं अनन्तया फुकुवा यायेधुंकूगु दु ।

अनन्तं इस्ट बंगलाय् थ्व सिजनय् ल्यंदनिगु प्यगू कासा म्हितीगु जुइ । अनन्तं शनिवाः उखे वनीगु ज्याझ्वः दु । इस्ट बंगाल लिगया झिगूगु थासय् दु ।