शाओमी प्याड ५ नेपाली बजारय्

येँ – शाओमी ब्रान्डया न्हूगु प्याड ‘शोओमी प्याड ५’ नेपाःया बजारय् वःगु दु । शाओमी नेपालं सोमवाः नेपाःया बजारय् शाओमी प्याड सिरिजया थुगु मोबाइलय् बजारय् हःगु खः ।
स्लीक प्याडय् आकर्षक खनेदुगु थ्व स्मार्टफोने ट्रु टु लाइफ भ्युइन्ग एक्पेरियन्स, इमर्सिभ क्वाड स्टेरियो स्पिकर व २२.५ वाटया इन–बक्स चार्जर सहित ८७२० एमएएचया उच्च क्षमताया ब्याट्री दुगु खँ धाःगु दु ।

बिल्ट–इन लो ब्लू लाइट टेक्नोलोजी व ट्रु डिस्प्ले दुगु शाओमी प्याड ५ मिखाय् लाइगु तनावयात म्हो यानाः सुरक्षित व सहज दृश्यया अनुभव बीगु खँ धाःगु दु । थुकी ८ एमपीया फ्रन्ट क्यामेरा व १३ एमपी एकल क्यामेरा दुसा ब्याक क्यामेराया ग्वाहालिं डक्युमेन्टत याउँक स्क्यान यायेफइगु खँ धाःगु दु । अथेहे स्केच वा टिपोटया निंतिं शाओमी स्मार्ट पेन नं दु । ११ इञ्च डिस्प्ले दुगु थ्व प्याडया ६ जीवीं२५६ जीबीया ४९,९९९।– तका व ६ जीबीं१२८ जीबीया ४४,९९९ तका तू ।