म्याचेस्टर सिटी कारबाओ कपं आउट
एजेन्सी- साविक विजेता म्याचेस्टर सिटी कारबाओ कपं आउट जूगु दु । बुधवाः बहनी जूगु कासाय् सिटीयात पेनाल्टी सुटआउटय् बुकाः वेस्टह्यामं क्वाटरफाइनलय् थाय् दयेकूगु खः । निर्धारित ई गोलरहित बराबरी जुइवं कासा पेनाल्टीइ वंगु खः । वेस्टह्यामं म्याचेस्टर सिटीयात पेनाल्टी सुटआउटय् ५–३ गोलं बुकूगु खः ।
बुधवाः जूगु कारबाओ कपया मेगु कासाय् टोटनहमं बर्नलीयात १–० गोलं, ब्रेन्टर्फोडं स्टोक सिटीयात २–१ गोलं, लेस्टर सिटीं ब्राइटनयात पेनाल्टी सुटआउटय् ४–२ गोलं व लिभरपुलं प्रिस्टोन नर्थयात बुकाः क्वाटरफाइनलय् थाय् दयेकूगु खः ।
थ्वलिसें कारबाओ कपया क्वाटरफाइनलय् थाय् दयेकूगु च्यागुलिं टिम पूवंगु दु । क्वाटरफाइनलया ड्र शनिवाः सार्वजनिक जुइ ।
LEAVE YOUR COMMENTS