इन्धनया भाः थकाःगु विरुद्ध विद्यार्थी आन्दोलन

येँ -सरकारं आः नकतिनि याःगु इन्धनया मूल्यवृद्धि विरुद्ध विपक्षी पार्टीलिसे आवद्ध विद्यार्थी संगठनतय्सं म्हिगः विरोध प्रदर्शन याःगु दु । म्हिगः थनया फिब्व ख्यलय् मुनाः विद्यार्थी संगठनतय्सं शंख पुयाः विरोध प्रदर्शन याःगु खः । थुकी नेवि माओवादी, कांग्रेस, जसपाया उपेन्द्र यादव पुचः, एमालेया माधव नेपाल पुचःलिसे आवद्ध विद्यार्थी संगठनतय्सं विरोध प्रदर्शन याःगु खः । थ्व विद्यार्थी संगठनतय्सं थःपिनि आन्दोलनया झ्वलय् असार २९ गते पेट्रोलियम पदार्थ ढुवानी याइगु ट्यांकर चले याके मबीगु व असार ३० गते देय्न्यंकंया पेट्रोल पम्प बन्द याकेगु ज्याझ्वः सार्वजनिक याःगु दु ।