ने. सं. ११४४ चौलाथ्व द्वादशी -

फास्ट ट्राय्क दयेकीगु बुँइ थौं वा पीगु

येँ -थौं असार १५ गते । कृषि प्रधान देय् नेपालय् थौंया न्हियात ‘धान दिवस’ धकाः नं हनेगु याइ । लिसें थौंया न्हि धौबजि नयेगु नं चलन दु । सिनाज्या याइपिं मनूतय् लागिं थौंया न्हियात महत्वपूर्ण न्हिया रुपय् कायेगु याइ । थ्वहे झ्वलय् थौं ख्वनाया पीडित नेवाःतय्सं सेनां अधिकरण यानातःगु थःपिनि बुँइ वा पीगु ज्याझ्वः दयेकातःगु दु । फास्ट ट्राय्क दयेकेगु लागिं सेनां थःगु नियन्त्रणय् तयातःगु स्थानीय जनताया बुँइ थौं उपिं थःथःपिं हे वनाः वा पीगु ज्याझ्वः यायेत्यंगु खः ।