मेसीया आकर्षक फ्रिकिक गोल

एजेन्सी÷ कोपा अमेरिकाया थःगु न्हापांगु कासाय् अर्जेन्टिनां चिलिलिसे बराबरीइ चित्त बुझे यायेमाःगु दु । अर्जेन्टिनाया महान् कासामि डिएगो म्याराडोनायात लुमंकाः सुरु जूगु कासाय् कप्तान लियोनल मेसीं३३ औं मिनेटय् आकर्षक फ्रिकिक पाखें गोल यानाः थःगु टिमयात अग्रता बिउगु खः । वंगु नोवेम्भरय् ६० दँया वैशय् मदुम्ह म्याराडोनाया लुमन्तिइ रंगशालाय् लाइट्स व इफेक्ट डिस्प्ले याःगु खः ।
चिलिया कासामि मेसीयात हे बक्सया पिने क्वःदयेकेवं वःगु फ्रिकिकय् मेसीं सुन्दर गोल याःगु खः । मेसीया थ्व अर्जेन्टिनाया निंतिं ७३ औं गोल खः ।

निगूगु हाफय् चिलीया मिडफिल्डर अर्टुरो भिडालयात बक्स दुने क्वःदयेकेवं पेनाल्टि वल । भिडालं हे प्रहार याःगु पेनाल्टि अर्जेन्टिनाया गोलकिपरं बचे याःगु खःसां रिबाउन्डय् वःगु बलयात भार्गोसं पोस्टय् दुछ्वया बीवं अर्जेन्टिनां बराबरीइ चित्त बुझे यायेमाःगु खः । भिडालयात जूगु फल रेफ्रीं मखंगु खःसां भिएआर मार्फत स्वयाः पेनाल्टि बिउगु खः ।

सम्बन्धित बुखँ

LEAVE YOUR COMMENTS