धरहरा निर्माणय् पंगः मथनेत इनाप

येँ- येँ महानगरपालिकाया मेयर विद्यासुन्दर शाक्यं धरहरा पुनर्निर्माणया ज्याय् पंगः मथनेत इनाप यानादीगु दु । म्हिगः खिचापोखरी व्यापार संघया झिंस्वक्वःगु साधारणसभाय् न्ववायेगु झ्वलय् वय्कलं उगु इनाप यानादीगु खः ।

धरहरा दयेकेगु ज्या क्वचायेवं उगु क्षेत्रया बासिन्दा व व्यवसायीयात लबः दइगु धासें वय्कलं छुं निहित स्वार्थ ज्वनाच्वंपिं थीथी बहानाय् धरहरा दयेकेगु ज्याय् पंगः थनाच्वंगु द्वपं नं बियादीगु दु ।

ज्याझ्वलय् न्ववायेगु झ्वलय् वय्कलं धयादिल, ‘धरहरा दयकेगु ज्याय् पंगः थनादी मते, थीथी बहानाय् गबलें सम्पदाया नामय्, गबलें अभियन्ताया नामय्, थनया स्थानीय बासिन्दा मखु, गनं गनं पंगः थनेत वइ, उकथं पंगः थनेगु ज्या यायेमते, धरहरा दयेकेगु ज्या सम्पन्न जुल धाःसा स्थानीय वासिन्दा व थुगु क्षेत्रयात व्यावसायिक रुपं थकाइ ।’

सम्बन्धित बुखँ

LEAVE YOUR COMMENTS