सछिन्हु दुने झिगू करोडयात खोप बीगु बाइडेनया प्रतिबद्धता

एजेन्सी – अमेरिकी राष्ट्रपतिइ निर्वाचिन जो बाइडनं थःम्हं पद लःल्हाना कयाःगु सछिन्हु दुने १० करोड अमेरिकीतय्त खोप बीगु खँ धयादीगु दु । वय्कलं थःगु कार्यकालया सुरुया महिनाय् महामारीया अन्त्य मजूसां थःम्ह कोभिड १९या दुहां वइगु लँ धाःसा पनेगु जुइ धयादीगु दु। तर वय्कलं थुकिया निंतिं गज्याःगु रणनीति म्हितेगु जुइ धयागु धाःसा स्पष्ट यानादीगु मदुनि ।

बाइडनं वइगु जनवरी २० तारिखय् शपथ ग्रहण यानादीत्यंगु दु। थःगु कार्यकाल सुरु जुइवं थःलिसे दइपिं स्वास्थ्य कार्यदलया म्हिसीका बीगु झ्वलय् बाइडेनं अमेरिकीतय्त सछिन्हु तक मास्क तयेत इनाप नं यानादीगु खः । अमेरिकाय् आः फाइजर-बायाएनटेक कम्पनीं दयेकूगु खोपयात स्वीकृति बीगु तयारी जुयाच्वंगु दु । अमेरिकी फुड एण्ड ड्रग एजेन्सीं फाइजर-बायोएनटेकं दयेकूगु खोपयात बिइगु स्वीकृति दिकेमाःगु छुं कारणं मदु धायेधुंकूगु दु ।