ख्यालि न्हिलि

भुखाय् ब्वयाः धरःग्वारा दुना मवंनिबलय्या खँ ।
तसकं हे बांलाःम्ह ल्यासे छम्हेस्यां घोषणा यात, ‘सु मिजं धरःग्वारा च्वकां तिंन्हुया वयेफइ, जि व मिजंलिसे हे ब्याहा यायेगु जुइ ।’
देय्न्यंकंया छम्हथे छम्ह बहादुर ल्याय्म्हत वल, तर धरःग्वारा खनीबलय् अनं तिंन्हुया वये फइगु आँट हे मदयाः अथें लिहां वनेमाल ।
छन्हु ९० दँ दयेधुंकूम्ह बुरा छम्ह आँट यानाः वल । ल्यासें व बुरायात नं धरःग्वारा दुथाय् ब्वना यंकल । बुरां व ल्यासेया म्हय् बः कयाः धरःग्वाराया स्वाहाने त्वाथः गल । अले नित्वाथः गयाः अनं झुग्रु ब्वात ।
‘थथे यानाः मजिउ, च्वं हे तिंन्हुयाः क्यनेमाः ।’— ल्यासें धाल ।
‘ब्याहा सु मूर्खं यानाच्वनी ? जि ला छंत ययेकाच्वंम्ह छम्ह जि नं खः धकाः क्यनेत जकं वयागु का ।’— बुरां लिसः बिल ।

नेपालभाषा टाइम्स

च्वमिया मेमेगु

• भ्वँतय् न्हापांखुसी नेपालभाषा साहित्य तःमुँज्या
• न्हूदँया लसताय् येँ–चौतारा मोटरसाइकल र्‍याली
• संस्कृतिविद् गणेशराम लाछिया ७५ क्वःगु बुन्हि हन
• लुँया भावय् न्हूगु कीर्तिमान
• नेपालय् न्ह्यानाच्वंगु जुजुवादी आन्दोलन, भारतीय हिन्दूत्वया लिच्वः