निजिरोसया ‘करं क्यंगु लँपु’

यल – नेपालभाषाया बाखं च्वमि निजिरोस श्रेष्ठया न्हूगु बाखं मुना सफू ‘करं क्यंगु लँपु’ या पितब्वज्या जूगु दु । थनया कुपन्डोलय् च्वंगु सातोआकी भवनय् जूगु छगू ज्याझ्वलय् नेपालभाषाया आख्यानकार मथुरा साय्मिं उगु सफूया पितब्वज्या यानादीगु खः ।

ईलोहं प्रकाशनया ग्वसालय् नरेशवीर शाक्यया सभापतित्वय् जूगु ज्याझ्वलय् नवासें उपन्यासकारलिसें बाखं च्वमि साय्मिं नेपालभाषाया माध्यमं सफूत च्वया साहित्यया विकास यायेगु नापं भाषा म्वाकेगु माध्यमकथं नं छ्यला वनेमाःगु खँय् बः बियादिल ।

सफूया च्वमि श्रेष्ठं लसकुस यानादीगु ज्याझ्वलय् पाहांकथं झायादीपिं साहित्यकारपिं ध्रुव मधिकःमि, डा. पुष्पराज राजकर्णिकारं सफूया समीक्षा यासें सफुतिइ दुथ्याःगु बाखं सरल जूगु नापं सामाजिक यथार्थता, वेदना, सकारात्मक विचाः दुथ्याःगु खँ कनादिल ।

सम्बन्धित बुखँ

LEAVE YOUR COMMENTS