प्राइम व कैलासं बोनस शेयर बीगु
येँ – याकनं मर्चय् वनेगु तयारी यानाच्वंगु प्राइम कमर्सियल बैंक व कैलास विकास बैंकं बोनस शेयर बीगु जूगु दु । प्राइमं १६ प्रतिशत व कैलाशं १८ प्रतिशत तक बोनस शेयर बीगु तयारी यानाच्वंगु दु ।प्राइमं चुक्ता पुँजी अप्वयेकेगु लक्ष्य तयातःगुलिं निगुलिं बैंकं बोनस शेयर बीत्यंगु दु । थुपिं निगू बैंक दथुइ मर्ज यायेगु निंतिं नेपाल राष्ट्र बैंकं सैद्धान्तिक सहमति बियातयेधुंकूगु दु ।
असार महिना तकया वित्तीय विवरण कथं प्राइमया चुक्ता पुँजी ९ अर्ब ३१ करोड दुसा खुद नाफा २ अर्ब २६ करोड दु । अथेहे कैलासया चुक्ता पुँजी २ अर्ब ५२ करोड दुसा थ्व वंगु आर्थिक दँय् ६१ करोड ६४ लाख खुद नाफा कमे याःगु दु ।
LEAVE YOUR COMMENTS