नीलःया १० क्वःगु साधारण सभा
ये – नीलः बचत तथा ऋण सहकारी संस्थाया झिक्वःगु द“मुँज्या शनिबाः क्वचाल । प्रदेश नं. ३ या सांसद् बसन्त मानन्धर मू पाहा“ कथं झायादीगु दँमुँज्या संस्थाया उपाध्यक्ष सुमन शाक्यया सभापतित्वय् जूगु खः ।
सचिव माधव रत्न ताम्राकारं लसकुस यानादीगु मुँज्यां संस्थाया आ.ब. २०७५÷०७६या अध्यक्षया प्रतिवेदन, लेखापरिक्षकया प्रतिवेदन, आर्थिक व प्रशासनिक नियमावली, सञ्चालक समितिया भत्ता व सुबिधा, शेयर पू“जी थकायेगु, कार्यक्षेत्र बिस्तार, थाय्बाय् अद्यावधिक यायेगु नापं थीथी प्रस्ताव पारित यागु दु ।
अथेहे सभाय् दांभरि अनिशमान श्रेष्ठं न्ह्यब्वयादीगु आ.ब.२०७६÷०७७या बजेट नं पारित जूगु दु । ज्याझ्वलय् सांसद मानन्धरं संस्थाया थाकुलिम्ह दुजः भाजु,म्यजु, उत्कृष्ट बचतकर्ता व उत्कृष्ट कर्मचारीयात दोसल्ला, हना पौ व सिरपा लः ल्हासें थुगु संस्थाया सभा दक्व विधि व प्रक्रिया पूवंका न्ह्यागु खनाः लय्ताःगु व संस्थां थथेहे नियम कानूनया पालना याना वनाः छगू सक्षम व सफल संस्थाकथं ताःलाना वनेमा धका भिंतुना बियादिल । संस्थाया अध्यक्ष भाजु कृष्णसुन्दर श्रेष्ठ आकाझाकां उसा“य् मदया सभाय् ब्वति कायेमफुगु जानकारी बिउगु खः ।
LEAVE YOUR COMMENTS