जापानय् ‘पानवती’

जापानया राजधानी टोकियोया मेगवा उमिन सेन्टर हलय् लोकंह्वाःगु नेपालभाषाया संकिपा ‘पानवती’ विशेष शोया प्रदर्शन जुल । जापानया टोकियोय् च्वनाच्वंपिं आपालं नेवाः व गैर नेवाःतय्सं थुगु संकिपा स्वःगु खः ।नेवाः अन्तर्राष्ट्रिय फोरम जापानया ग्वसालय् संकिपा क्यनेज्या जूगु खःसा उगु संकिपा क्यनेत संकिपाया निर्देशक सुरेन्द्र तुलाधरलिसें ईमेज च्यानलया नेपालभाषा ज्याझ्वः ‘ख्वताबजि’या निर्माता रघुभक्त मानन्धर जापान थ्यंकूगु खः ।

प्याखं क्यने न्ह्यः जूगु छगू ज्याझ्वःया दथुइ ग्वसाः खलः नेवाः अन्तर्राष्ट्रिय फोरम जापानं नेपालभाषाया संरक्षण व प्रवद्र्धन यानाच्वंगु इमेज च्यानलया महाप्रबन्धक रघुवरभक्त मानन्धर व कलाकारितापाखें नेपालभाषा नापं संस्कृतिया संरक्षण व प्रवर्धन यानाच्वंम्ह निर्देशक सुरेन्द्र तुलाधरयात खादा क्यखायेकाः हनापौ देछासे हनेज्या जूगु खः ।

नेपालभाषा टाइम्स

च्वमिया मेमेगु

• कन्हसंनिसें त्वाः त्वालय् संकिपा महोत्सव
• यल अध्ययन केन्द्रया नेपालभाषा पाठवाचन ज्याझ्वः
• साहित्यकारतलिसे गंल्वय् अभिमुखीकरण
• बुंगद्यः जावलाख्यः थ्यन, ६ गते भो टो जात्रा
• पशुपति विकास कोषय् पीन्यान्हु न्ह्यनिसें धर्ना