इहिपा लिपा फरक भूमिकाय्

इहिपा लिपा संकिपा ख्यलं तापानाच्वंम्ह बलिउड अभिनेत्री दीपिका पादुकोण याकनं हे हाकनं संकिपाय् खने दयेकः वयेत्यंगु दु । दीपिकया याकनं निगू न्हूगु फिल्म प्रदर्शनय् वयेत्यंगु दु । दीपिकाया प्रदर्शनय् वयेत्यंगु निगुलिं फिल्म बिस्कं बिस्कं आधारया खः ।

दीपिकाया वयेत्यंगु निगू फिल्ममध्ये छगुलिइ वयात एसिड आक्रमणं पीडित मिसाया भूमिका स्वये दइसा मेगु छगू फिल्मय् वं भारतया पूर्व क्रिकेट कप्तान कपिल देवया कलाःया भूमिकाय् स्वये खनी । बलिउड अभिनेता रणवीर सिंहलिसे इहिपा लिपा फिल्म ख्यलं तापान च्वंम्ह दीपिका थौंकन्हय् निगुलिं फिल्मया छायांकनय् व्यस्त जुयाच्वंगु दु ।

निगुलिं फिल्मया बाखं बिस्कं बिस्कं जूगु तर, छगू हे इलय् धइथें फरक भूमिकाय् अभिनय यायेमाःगुलिं दीपिकायात तसकं थाकुयाच्वंगु सीदुगु दु । यद्यपि निगुलिं फिल्मय् थःगु भूमिकायात गुकथं न्याय बीगु धइगु निंतिं थम्हं गाक्कं तयारी यानागु दीपिकां छगू अन्तर्वार्ताय् धाःगु दु ।

दीपिकां थःत छगू चरित्रपाखें मेगु चरित्रय् हिलेगु निंतिं गथे याःसा जी धइगु खँय् विचाः यायेगु स्वयां नं अज्याःगु इलय् छेँज्या यायेगु व छेँया सुचुकुचु यायेगु ज्याय् लगे जुइगु खँ धाःगु दु ।

 

सम्बन्धित बुखँ

LEAVE YOUR COMMENTS