ट्राफिक सहज यायेत न्हून्हूगु करिडोर

येँ – स्वनिगःया ट्राफिक व्यवस्था चुस्त यायेत करिडोर दयेकेगु ज्यायात तीव्रता बिउगु दु । महानगरीय ट्राफिक प्रहरी महाशाखां स्वनिगःया ट्राफिक व्यवस्था सुधार यायेत न्ह्यःने हःगु कार्ययोजना अन्तर्गत करिडोर दयेकेगु ज्या तीव्र याःगु खः । करिडोर दयेकेगु झ्वलय् महाशाखां म्हिगः येँ मनपालिसे जानाः बालाजु गुरु नानक मठ न्ह्यःने च्वंगु सिमा पालाः लँ तबाला याःगु दु ।

उगु करिडोर तबाला यायेधुंकाः आः झोरनिसें बानियाँटार, न्हूगु बसपार्क, म्हय्पि, बालाजु, शोभा भगवति जुयाः कालीमाटी तक ट्राफिक अःपुइगु खँ धाःगु दु । उगु करिडोर चले जुल धाःसा बालाजुं कालिमाटी वनेत रत्नपार्क त्रिपुरेश्वर जुयाः वनेमाःगु अवस्था वा बालाजुं कलंकी जुयाः कालिमाटी वयेमाःगु अवस्था अन्त्य जुइ ।

यातायात व्यवस्था विभागया कथं स्वनिगलय् ११ लाख सवारी साधन चले जुयाच्वंगु दु । थ्व स्वयां न्ह्यः रातोपुल, सेतोपुल, भत्केपुल, बालकुमारीया करिडोर दयेकेगु ज्या क्वचायेधुंकूगु दु ।थुकिया नापं ट्राफिकं स्वनिगः दुने मेमेगु नं न्हून्हूगु करिडोर चायेकेगु बारे अध्ययन व अनुसन्धान यानाच्वंगु खँ धाःगु दु ।

सम्बन्धित बुखँ

LEAVE YOUR COMMENTS