ने. सं. ११४६ अनलाथ्व नवमी -

ख्यालि न्हिली

चन्द्रमान व वया कलाःया दथुइ नतुसुतु मदुगु तन्हु हे दयेधुंकल । छन्हु आकाझाकां तमं कलाःम्हं धाल— ‘स्वयादिसँ । छिगु आम्ज्याःगु तालं छितः नर्कय् नं थाय् दइमखु ।’
‘मदुसा, थ मदु’— चन्द्रमानं धाल— ‘सी धुंकाः नं जितः छनाप च्वनेगु इच्छा मदु ।’
ह्ह्ह्
थ्व समाज नं तसकं अजू चायापु । तिंन्हिनय् हे छेँय् खुया यंकूसा त्वालय् च्वंपिं सुनानं खनीमखु , तर …..
जब सुं मिजं नं थः गर्लफ्रेन्ड ज्वना वल धाःसा मुक्कं समाज हे साक्षी च्वनेत तयार जुइ !
ह्ह्ह्
ब्याहा मजूनिपिं मिजंतय् दकलय् तःधंगु समस्यामध्ये छगू जब सुयागुं इहिपाया भ्वजय् वनी । वंक्वपतिकं सुं नं सुं छम्ह मिसालिसें यःत्यः जू हे जुइ !