ने. सं. ११४६ तछलाथ्व षष्ठी - सिथि नखः कुमार षष्ठी

७२ सेकेन्डय् छगू ओयो बुकिङ्ग

येँ – गर्मी मौसमय् चाःहिलेगु निंतिं ओयोपाखें होटल बुकिङ्ग याःपिं नेपाःमितय् ल्याः थगुने स्वयां २२१ प्रतिशतं अप्वःगु खँ धाःगु दु । थ्व बुकिङ्ग स्वयेबलय् नेपाःमितय्सं नं गर्मी मौसमय् चाःहिलेगु निंतिं न्ह्यव हे योजना दयेकेगु सुरु याःगु खनेदुगु खँ धाःगु दु । ओयों छगू वक्तव्य पिथँसें हरेक ७२.४८ सेकेन्डय् ओयोपाखें छगू बुकिङ्ग जुयाच्वंगु खनेदुगुव अप्वः थें गन्तव्य येँ, पोखरा व विराटनगर खनेदुगु खँ धाःगु दु । थुकी नं दकलय् अप्वः बुकिङ्गय् येँ जूगु व दकलय् अप्वः बुकिङ्ग याःपिं ५७.२७ प्रतिशत ज्वः हे जूगु खँ धाःगु दु । अथेहे छेँजः व याकःचिया निंतिं बुकिङ्ग जूगु २१.३६ प्रतिशत दुगु खँ धाःगु दु ।

ओयो थौंकन्हय् येँ, पोखरा, धुलिखेल, ख्वप, नगरकोट, चितवन, विराटनगर, हेटौंडा, नेपालगञ्ज व धनगढी यानाः झिगू शहरय् संचालनय् वयेधुंकूगु दु ।