ससफो भ्वत नपाया स्वंगू वडाया मंकाः अधिवेशन

येँ – संघीय समाजवादी फोरम नेपाल काभे्रपलाञ्चोक जिल्लाया भ्वत नगरपालिका वडा नं. ४, १३ व १४ या मंकाः अधिवेशन जुल । अधिवेशनया उलेज्या ससफो नेपालया सहअध्यक्ष राजेन्द्र श्रेष्ठं यानादीगु खः । ज्याझ्वलय् नवासें सहअध्यक्ष श्रेष्ठं थःत समाजवादी धाइपिं नेकपा व नेपाली कांगे्रसं नेपाःयात फ्वनाः नइगु देय् दयेका वनाच्वंगु द्वपं बियादिल ।

‘विदेशी पूँजीपतितय्के ल्हाः फयेवं समाजवाद वइमखु’वय्कलं धयादिल, ‘देय्या साधारण राजस्वं खर्च कःघाये मफुगु, देय्या न्हापाया बचत नं खर्च यानाहःगु व आर्थिक रुपं सक्रिय ल्यायम्ह शक्ति विदेश वनेत बाध्य जुयाच्वंगु दु ।’जिल्ला अध्यक्ष सिद्धिबहादुर जोशीया सभापतित्वय् जूगु अधिवेशनं वडा नं. ४ य् दिव्यश्वरी श्रेष्ठ, वडा नं. १३ य् ज्ञानकाजी डंगोल व वडा नं. १४ य् कमल तामांगया नेतृत्वय् न्हूगु वडा कमिटी नं गठन याःगु खः । पार्टीया थीथी तहया नेतातय्गु उपस्थिति दुगु ज्याझ्वलय् स्वंगुलिं वडा कमिटीइ निर्वाचित जुयादीपिं सकसितं पार्टी केन्द्रीय दुजः नापं प्रदेश नं. ३ या उपाध्यक्ष विद्युत वज्राचार्यं सपथ ग्रहण याकादीगु खः ।

 

सम्बन्धित बुखँ

LEAVE YOUR COMMENTS