आलिया छाय् दिक्क !

नायक रणवीर कपुर व नायिका आलिया भट्ट लिपांगु इलय् चर्चाय् वयाच्वंगु । चर्चाय् वयाच्वंगु निम्हेसिया न्हूगु फिल्मयात कयाः धाःसा मखु । थ्व इलय् थुपि निम्ह चर्चाय् वयाच्वंगुया कारणं खः इमिगु मतिना । चर्चा नं अज्याःगु कि थुमिगु मतिना सफल जुइगु खँय् मखसे असफल जुइगु चर्चा वयाच्वंगु दु । अर्थात निम्हेसिया दथुइ समस्या खने दया वःगु दु ।

निम्हेसिया मतिनाया समाचारं रणवीरयात ला खास समस्या मदु, तर आलियाया करियर खतराय् लाइगु आशंका जुयाच्वंगु दु । हालय् ‘गल्ली ब्वाइ’नांया संकिपाया विशेष शो क्यनेगु ज्या जूगु इलय् इमिगु मतिना संकटय् लाइगु कथंया खने दुगु धासें चर्चा शुरु जूगु दु ।
थःपिनिगु मतिनाया सम्बन्धयात कयाः ‘हेडलाइन’ दयेकाच्वंगु खँय् थःगु लसता प्वंकूम्ह आलियां आः तत्काल रणवीरलिसे इहिपा यायेगु गुगुं योजना मदुगु संचार माध्यम समक्ष स्पष्ट याःगु दु ।

लिसें रणवीरलिसेया इहिपाया प्रसंगयात कयाः थःत दिक्क तायाच्वंगु तकं आलियां प्रतिक्रिया बिउगु दु । ‘जिमिगु मतिनया सम्बन्धयात कयाः जि लय्ताः’ आलियां धाःगु दु, ‘आः तत्काल इहिपा यायेगु अज्याःगु छुं नं योजना मदु, जि थौंकन्हय् थःगु ज्याय् लसताया च्वना ।’