कंगनाया न्हूगु बयान

ताःई लिपा बलिउड अभिनेत्री कंगना रनावट हाकनं छक्वः चर्चाय् वःगु दु । कंगनाया न्हूगु संकिपा ‘मर्णिकािर्णका’ वइगु जनवरी १५ कुन्हु प्रदर्शनय् वयेत्यंगु दु । लिपांगु इलय् बक्स अफिसय् असफल जुयाच्वंम्ह कंगनाया निंतिं थ्व संकिपाया महत्व आपालं दु ।

तर कंगना थ्व इलय् चर्चाय् वयाच्वंगु वयागु आः प्रदर्शनय् वयेत्यंगु संकिपाया कारणं मखसे बलिउड अभिनेता ऋतिक रोशनया बारे बिउगु अभिव्यक्तिया कारणं खः । करण जोहरया टेलिभिजन ज्याझ्वः ‘कफि विथ करण’य् कंगनां ऋतिकया बारे बिउगु लिपांगु अभिव्यक्तिया कारणं व चर्चाय् वःगु खः ।

खतुं थ्व स्वयां न्ह्यःनं निम्हेसिया ‘पारिवारवाद’ चर्चा व विवादय् वयेवं कानुनी मामिलाय् तकं फसे जूगु खः ।ज्याझ्वलय् ब्वलंगु विवादयात कयाः प्रस्तोता करणं माफी तकं फ्वंगु खः, तर ऋतिकं धाःसा उकिया छुं नं प्रतिक्रिया बिउगु मदुनि ।

कंगना व करण दथुइ नं विवाद ब्वलंगु खःसा व विवाद क्वचायेधुंकूगु दु, तर ऋतिक व वया अबु राकेश रोशन दथुइ ब्वलंगु विवाद ज्यंकेत कंगनायाके छुं उपाय लुयाच्वंगु मदु । छगू अन्तर्वार्ताय् कंगनां थःत ऋतिक व वया अबुं ख्याच्वः बिउगु दावी तकं याःगु खः ।