न्यागू कम्पनीया शेयर भाः समायोजन

येँ – नेपाल स्टक एक्स्चेञ्जं नगद लाभांस बीगु प्रस्ताव यानातःगु थीथी न्यागू कम्पनीया शेयर भाः समायोजन याःगु दु । स्टकं सिटिजन्स बैंक, सांग्रिला डेभलपमेन्ट बैंक, नेपाल कम्युनिटी बैंक, समित माइक्रोफाइनान्स व हाइड्रोइलेक्ट्रिसिटी इन्भेस्टमेन्ट एण्ड डेभलपमेन्ट कम्पनीया शेयर भाः समायोजन याःगु खः ।

शेयर भाः समायोजन याःगु कम्पनी मध्ये सिटिजन्सं ३.६ प्रतिशत बोनस शेयर बिइवं थुकिया भाः २१० तकाय् समयोजित याःगु खः । सिटिजन्सया औसत भाः ३०२ तका थ्यनाच्वंगु खः । अथेहे सांग्रिलाया भाः छगू कित्ताया १४३ तका याःगु दु । थुकिया औसत भाः १८६ तका जुयाच्वंगु खः ।

नेपाल कम्युनिटीया शेयर भाः छगू कित्ताया १२० यानाबिउगु दु । थुकिया औसत भाः १७४ थ्त्यनाच्वंगु खः । अथेहे औसत भाः ११५७ तका थ्यनाच्वंगु समिटया छगू कित्ताया धाःस भाः ७३९ तका यानाबिउगु दु । अथेहे हाइड्रोइलेक्ट्रिसिटी इन्भेस्टमेन्ट एण्ड डेभलपमेन्ट कम्पनीया भाः १५४ तकाय् समायोजन याःगु दु । थ्व कम्पनीया औसत भाः १२७ तका थ्यनाच्वंगु खः ।

नेपालभाषा टाइम्स

च्वमिया मेमेगु

• नेवाः प्रतिष्ठान गठन यायेत माग
• केएनकेया ग्राजुएन ज्याझ्वः
• सक्व सांस्कृतिक संरक्षित क्षेत्र प्रस्तावित ऐन लःल्हात
• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल